Shkruar nga Endri ÇINARI
Situata e pankinës së Vllaznisë vijon të mbetet në ajër. Pas largimit të Edi Martinit nga drejtimi i skuadrës, drejtuesit kuqeblu ende nuk kanë zyrtarizuar pasuesin e tij, teksa emrat e mundshëm për të marrë drejtimin e nëntë herë kampionëve të vendit janë përfolur si brenda, ashtu edhe jashtë Shqipërisë. Për momentin, nuk ka një vendim përfundimtar dhe gjithçka mbetet e hapur.
Një prej alternativave mund të jetë vijimi me një pjesëtar të stafit aktual. Ergi Borshi, i cili ka marrë përsipër drejtimin e seancave stërvitore në këto ditë si zëvendëstrajner, është një prej opsioneve që mund të merret në konsideratë. Njohja me grupin dhe puna e përditshme me skuadrën mund të favorizojnë një zgjidhje të tillë, nëse klubi vendos të mos bëjë një ndryshim të menjëhershëm në pankinë.
Në listën e alternativave, të paktën si mundësi e brendshme, është edhe drejtori teknik Vioresin Sinani. Megjithatë, ky i fundit duket të jetë një nga opsionet më të largëta për të marrë drejtimin e ekipit. Në klub duket se po shqyrtohen disa variante, pa pasur ende një emër që të jetë konkretizuar përfundimisht.
Ndërkohë, skuadra po vijon përgatitjet nën drejtimin e Borshit, ndërsa pritshmëria për një vendim për pankinën mbetet e madhe. Në një moment kur Vllaznia ka nevojë për qartësi pas një starti të vështirë në kampionat, pasiguria rreth trajnerit të ri është një tjetër element që shoqëron situatën e kuqebluve.
Një tjetër pikë që mbetet për t’u sqaruar është vetë statusi i Martinit. Edhe pse trajneri prej disa ditësh nuk është më në drejtimin e përditshëm të skuadrës, largimi i tij nuk është zyrtarizuar ende në kanalet zyrtare të klubit. Kjo ka bërë që situata të mbetet e paqartë dhe të mos ketë ende një ndarje të formalizuar mes palëve.
Pikërisht për këtë arsye, duket e vështirë që Vllaznia të zyrtarizojë menjëherë një marrëveshje me një trajner të ri, pa u qartësuar më parë përfundimisht çështja Martini. Klubi duhet të mbyllë fillimisht kapitullin e trajnerit aktual, përpara se të hapë atë të pasuesit të tij, ndërsa në prapaskenë vijojnë të shqyrtohen alternativat.
Kështu, pankina shkodrane mbetet një prej pikave më të paqarta të momentit. Borshi është alternativa që po drejton përkohësisht skuadrën, Sinani mbetet një mundësi më e largët, ndërsa paralelisht janë në shqyrtim edhe emra të tjerë. Vendimi përfundimtar i drejtuesve do të përcaktojë edhe hapin e radhës për një Vllazni që ka nevojë për stabilitet dhe një drejtim të qartë pas një fillimi zhgënjyes të sezonit.Situata e pankinës së Vllaznisë vijon të mbetet në ajër. Pas largimit të Edi Martinit nga drejtimi i skuadrës, drejtuesit kuqeblu ende nuk kanë zyrtarizuar pasuesin e tij, teksa emrat e mundshëm për të marrë drejtimin e nëntë herë kampionëve të vendit janë përfolur si brenda, ashtu edhe jashtë Shqipërisë. Për momentin, nuk ka një vendim përfundimtar dhe gjithçka mbetet e hapur.
Një prej alternativave mund të jetë vijimi me një pjesëtar të stafit aktual. Ergi Borshi, i cili ka marrë përsipër drejtimin e seancave stërvitore në këto ditë si zëvendëstrajner, është një prej opsioneve që mund të merret në konsideratë. Njohja me grupin dhe puna e përditshme me skuadrën mund të favorizojnë një zgjidhje të tillë, nëse klubi vendos të mos bëjë një ndryshim të menjëhershëm në pankinë.
Në listën e alternativave, të paktën si mundësi e brendshme, është edhe drejtori teknik Vioresin Sinani. Megjithatë, ky i fundit duket të jetë një nga opsionet më të largëta për të marrë drejtimin e ekipit. Në klub duket se po shqyrtohen disa variante, pa pasur ende një emër që të jetë konkretizuar përfundimisht.
Ndërkohë, skuadra po vijon përgatitjet nën drejtimin e Borshit, ndërsa pritshmëria për një vendim për pankinën mbetet e madhe. Në një moment kur Vllaznia ka nevojë për qartësi pas një starti të vështirë në kampionat, pasiguria rreth trajnerit të ri është një tjetër element që shoqëron situatën e kuqebluve.
Një tjetër pikë që mbetet për t’u sqaruar është vetë statusi i Martinit. Edhe pse trajneri prej disa ditësh nuk është më në drejtimin e përditshëm të skuadrës, largimi i tij nuk është zyrtarizuar ende në kanalet zyrtare të klubit. Kjo ka bërë që situata të mbetet e paqartë dhe të mos ketë ende një ndarje të formalizuar mes palëve.
Pikërisht për këtë arsye, duket e vështirë që Vllaznia të zyrtarizojë menjëherë një marrëveshje me një trajner të ri, pa u qartësuar më parë përfundimisht çështja Martini. Klubi duhet të mbyllë fillimisht kapitullin e trajnerit aktual, përpara se të hapë atë të pasuesit të tij, ndërsa në prapaskenë vijojnë të shqyrtohen alternativat.
Kështu, pankina shkodrane mbetet një prej pikave më të paqarta të momentit. Borshi është alternativa që po drejton përkohësisht skuadrën, Sinani mbetet një mundësi më e largët, ndërsa paralelisht janë në shqyrtim edhe emra të tjerë. Vendimi përfundimtar i drejtuesve do të përcaktojë edhe hapin e radhës për një Vllazni që ka nevojë për stabilitet dhe një drejtim të qartë pas një fillimi zhgënjyes të sezonit.
Burimi: Gazeta “Shkodra Sport”
