Shkruar nga Maringlen ZHIVANI
Kryetifozi legjendar i Vllaznisë, Tut Rrahmani, po kalon momente të vështira shëndetësore. Sipas informacioneve të bëra të ditura nga miqtë e tij, Rrahmani është transportuar me urgjencë drejt Tiranës për të marrë ndihmë të specializuar mjekësore. ,
Aktualisht ndodhet në repartin e Neurokirurgjisë, ku po merr trajtimin e nevojshëm. Tut Rrahmani është një prej figurave më të njohura të tribunave shkodrane, një emër i lidhur prej vitesh me pasionin dhe mbështetjen e pakushtëzuar për Vllazninë.
Gazeta “Shkodra Sport” i uron shërim të shpejtë legjendës së tribunave dhe rikthim sa më parë pranë familjes, tifozëve dhe Vllaznisë.
