Një futbollist i Vllaznisë është përzgjedhur në formacionin më të mirë të javës së 10-të të “Abissnet Superiore” nga FSHF. Ai është Edon Murataj, i cili dha edhe asistin për golin e Balajt që solli edhe barazimin e kuqebluve në Korçë ndaj Skënderbeut.
Në formacionin e javës spikasin lojtarët e Partizanit, me tre futbollistë të përzgjedhur, pas fitores 1-0 në transfertë ndaj Teutës, ndërsa Egnatia dhe AF Elbasani përfaqësohen me nga dy lojtarë.
Pjesë e 11-shes më të mirë janë gjithashtu futbollistë të Dinamo City, Vllaznisë, Skënderbeut dhe Vorës.
Formacioni më i mirë i javës së 10-të (1-3-4-2-1):
Portier: Pano Qirko (Partizani)
Mbrojtës: David Atanaskoski (Partizani), Elmando Gjini (AF Elbasani), Georgios Lagonidis (Skënderbeu)
Mesfushorë: Edon Murataj (Vllaznia), Dion Vata (Partizani), Malomo (Dinamo City), Dario Daka (Vora)
Mesfushorë ofensivë: Alessandro Albanese (Egnatia), Karim Loukili (Egnatia)
Sulmues: Atdhe Mazari (AF Elbasani)
Ndërkohë, trajneri më i mirë i javës së 10-të është përzgjedhur Mislav Karoglan, tekniku i Partizanit, pas fitores së rëndësishme në transfertë ndaj Teutës, që i dha fund serisë prej gjashtë humbjesh radhazi për skuadrën kryeqytetase.
