Kalimi këtë verë nga Prato tek Bolonja duket se i ka hapur një dritare të re portierit 16 vjeçar me origjinë nga Shkodra, Marco Molla.
Jo më kot, trajneri i ekipit të parë, i mirënjohuri Filippo Inzaghi ka urdhëruar pak ditë më parë që ky portier të stërvitej me ekipin e parë.
Një gjë të tillë e ka bërë të ditur portali i njohur “GiovaniliNazionali.it” që merret me promovimin e elementit të ri. Në një artikull të botuar së fundi, pikërisht tek rubrika “Syri i vëzhguesit”, aty flitet me superlativa për këtë portier.
“Megjithë moshën e tij të re, Marco Molla tashmë ka një trup të struktuar, të plotë e të fortë, një lider reaktiv dhe i vërtetë për shokët e tij.
Sezonin e kaluar, ndonëse nën moshë ai ka udhëhequr ekipin e tij në finalen e titullit kampion kundër Pordenone dhe pavarësisht golave të pësuar, është vlerësuar si një nga më të mirët në fushë për ekipin e tij.
Gjatë “Final Four Scudetto” mbajtur në Romagna (11-23 qershor 2018) me paraqitjet e tij ka impresionuar gjithë redaksinë e “GiovanniNazionali.it” që e ka ndjekur në të gjitha ndeshjet dhe madje duke i dhënë çmimin “Top-Player” në ndeshjen gjysmëfinale kundër Monzës si lojtari i ndeshjes.
Ish- lojtari i Pratos pas shumë audicionesh rreth Italisë, është blerë tashmë nga Bolonja që e ka çuar tek ekipit U-17 por duke e mbajtur nën vëzhgim për ekipin e të rinjte të trajnerit Troise.
Të enjten më 23 dhe të premten më 24 gusht, portieri i ri është stërvitur me ekipin e parë të Bolonjës me urdhër të Filippo Inzaghit”- shkruhet ne kete portal.
Emri: Marco
Mbiemri: Molla
Roli: Portiere
Data e lindjes: 19/janar/2002
Kombësia: Shqiptare e italiane
Dora: E djathtë
