Mbrëmjen e sotme është luajtur finalja e Kupës së Italisë për 19 vjeçarët në mes Torinos dhe Fiorentinës. Kjo e fundit ka fituar me rezultatin 2-1 dhe kësisoj ka merituar edhe këtë trofe.
Interesant është fakti se i pari e ka ngritur lart këtë kupë ka qenë një futbollist shkodran. Bëhet fjalë për mesfushorin Erald Lakti që siç dihet është kapiteni i ekipit të Fiorentinës.
Ai është një nga pikat më të forta të këtij ekipi dhe jo më kot, stafi teknik i ka dhënë edhe shiritin e kapitenit. Kjo padyshim që është një arritje për futbollistin e kombëtares U19 të Shqipërisë.
© shkodrasport.com
