Përveç inaugurimit të stadiumit të ri Kombëtar, ndeshja e djeshme mes Shqipërisë dhe Francës ishte gjithashtu edhe një mbrëmje speciale për trajnerin e Francës, Didier Deshamp.
Kjo pasi për Deshamp kjo ishte ndeshja numër 100 në krye të Francës, teksa e festoi me një fitore ndaj Shqipërisë.
Tekniku i “ gjelave”, pas sfidës me kuqezinjtë është shprehur se kjo arritje ishte një krenari për të. “ Ishin shumë dëshmitarë të kësaj arritje duke nisur nga stafi im, presidenti dhe lojtarët e mi. Më ngroh zemrën sepse varem nga lojtarët.
Nga ata që janë sot këtu, dhe nga ata të kaluarit prej fillimit që kanë lejuar ekipin e Francës të marrë rezultate të mira. Është një krenari personale, por veçanërisht jam krenar kur i shoh të bashkëveprojnë me atë shpirt gare” u shpreh Deshamp./vipsport/
