Me plot 5 medalje eshte kthyer nga Sllovenia atleti veteran shkodran Bledar Mesi qe ka marre pjese ne Kampionatin Ballkanik Master 35 i cili u zhvillua atje. Ish- atleti i Vllaznise i ka dhuruar vendit tone 2 medalje ari, 1 argjendi dhe 2 bronzi.
Garat jane zhvilluar me 12-13 mars ne Novo Mesto te Sllovenise dhe Shqiperia eshte perfaqesuar ne kete eveniment te rendesishem ballkanik me 13 atlete veterane, nga te cilet shkodrani Mesi ka marre me shume medalje se gjithe te tjeret.
Ne diten e gara te garave per veteranet e moshave 35-40 vjeç ku ai ka konkurruar, Bledar Mesi fillimisht ka marre pjese ne garen e 1500 metrave duke zene vendin e pare dhe merituar medaljen e arte.
Me pas, sebashku me atletet e tjere Hysi, Kaja dhe Qirici, ka marre pjese ne stafeten 4×200 duke zene vendin e dyte pas Greqise dhe duke merituar medaljet e argjendta.
Ne diten e dyte nderkohe, Mesi ka konkurruar ne garen 3000 metra duke zene vendin e trete e me pas ne ate te 800 metrave ku ka zene vendin e pare dhe eshte shpallur Kampion Ballkani. Konkurrimi i tij eshte mbyllur me disiplinen e kercimit se gjati ku eshte renditur i treti dhe ka marre medaljen e bronzte.
Ne kete menyre, pjesmarrja e Bledar Mesit ne kete Kampionat Ballkanik te veteraneve ka qene mese e sukseshme duke i dhuruar Shqiperise plot 5 medalje. Nje tregues ky qe ky atlet shume here kampion i vendit me Vllaznine, tashme po shkelqen edhe ne garat e veteraneve.
Gjergj KOLA
