Nga Tonin PERVJELA
Po e filloj me ma të mirin
Një trajner shumë korrekt
Për t’madhin Xhevdet Shaqirin
Që futbollistët gëzonin respekt
Gjithmonë sulmuesin e ka mbajt mbrapa
E ka qenë shumë i sigurtë
Ai ishte Kujtim Shaba
Kë ka mbajt, i ka thanë rri urtë
Loja e tij gjithmonë derxhi
Portierit i thoshte shihe vijen
Tundi rrjeten Nikoll Gjergji
Unë si sulmues të la hijen
Ky lojtar ta ka marr anen
Pra gjithmonë ka luajt me gjak
Me të madhin Luan Vukatanen
Një energji, shumë luftarak
Ky ka ken si merimanga
Shumë lojtar interesant
Ishte i madhi Sait Çanga
Gjithmonë i qetë dhe elegant
Dhe ky lojtar ka ba namin
Që ka luajt në kohën e tij
Mos të harrojmë Fatmir Paçramin
Një golashënues me zgjuarsi
Ky si mbrojtës ka qenë si pasha
Sulmuesit kurrë si ka thanë m’fal
Ka kenë i madh Lutfi Basha
Gjithmonë një lojtar pozicional
Asnjëherë vetin se flliqi
Një lojtar me fantazi
Ky ishte i madhi Esat Rakiqi
Të mos harrojmë golat e tij
Gjithmonë i qetë ja duk vetja
Pra si mbrojtës nuk bante plan
Ky ishte i forti Menduh Dedja
Që Shkodra e quante “zeklan”
Panajot Panos “i vuni pranga”
Ky lojtar bani mrekulli
Ishte i madhi Rauf Çanga
Që s’do harrohet në histori
Edhe këtij lojtari i shndriti loja
Me u pa ishte si “bubaç”
Ishte i fuqishmi Çesk Ndoja
Për Vllazninë ishte ilaç.
Ky lojtar ka ken dermani
E ka dhanë gjithmonë me shokë
Ishte i madhi Selami Dani
S’do t’i harrohen golat me kokë
Mbrojtësit i thoshte mirupafshim
Jam i shpejtë si “kaçatorr”
S’mund ta kapësh Lek Koçobashin
Se punoj me motorr
Një sulmues që t’ka pre rrugën
E gjithmonë ka ba t’ vërtetën
Mos harroni Halil Pukën
Që nga kornia t’ka tund rrjetën
Mbrojtësit i ka thanë t’asht thy takja
Unë të baj ty si taravolin
Ka ken mjeshtri Fasli Fakja
Që në moment t’ka rrasë golin.
Tash po i mbylli bejtat e mia
Le ta marrin vesht të tanë
Çfarë ekipit asht Vllaznia
Që nuk ka veç tre shkodranë.
