Sulmuesi me origjinë nga Shkodra Brajan Gruda ka regjistruar një nisje mbresëlënëse me fanellën e kombëtares së Gjermanisë.
Në dy paraqitjet e tij të para ndërkombëtare, Gruda ka regjistruar plot katër kontribute në gola: dy gola dhe dy asistime.
Sipas statistikave nga OPTA, asnjë futbollist tjetër gjerman nuk ka regjistruar më shumë kontribute në gola në dy ndeshjet e para me kombëtaren, që nga triumfi i Gjermanisë në Kupën e Botës 2014.
Një start fantastik për Grudën, i cili ka bërë menjëherë diferencën dhe ka dhënë sinjale premtuese për vazhdimësinë e tij me fanellën e Gjermanisë.


