Armando Broja është në momentin më të mirë të karrierës së tij. Chelsea vazhdon të besojë në aftësitë e tij, duke mos e shitur kartonin e lojtarit.
Për këtë arsye, blutë e Londrës janë të gatshëm për një huazim 1-vjeçar tek një skuadër tjetër në Premier League, West Ham-i, ndërsa këta të fundit nuk janë kursyer aspak me ofertën e bërë për të blerë shërbimet e 20-vjeçarit. Edhe pse pjesë e një Kombëtareje të vogël, kjo nuk e ka penguar aspak Armando Brojën për të treguar vlerat e tij si sulmues.
Sipas medias së dedikuar për të transferimet, “TransferMarkt”, Broja do të ishte në 10-shen më të shtrenjtë të sulmuesve që janë transferuar këtë verë nëse do të shitej nga Chelsea.
Kartoni i lojtari vlerësohet të blihet nga West Ham-i për shifrën e 35.9 milionë eurove, duke kaluar kështu dhe një sulmues të klasit botëror, Sadio Mane, i cili u transferua tek Bayerni me vlerën e 32 milionë eurove. Top lista kryesohet nga blerja më e re e Liverpool, Darwin Nunez me vlerën e 72 milionë eurove. Pas tij vijnë Raphinha i Barcelonës dhe Haalandi i Manchester City-t.
