BASKETBOLL

Vllaznia në basketboll për femra e ka humbur ndeshjen e rradhës për kampionat, atë të zhvilluar paraditen e së shtunës në pallatin e sportit “Qazim Dervishi” ndaj Flamurtarit të Vlorës. Ky I fundit siç dihet është një nga ekipet më të mira të vendit dhe pretendent absolut për t’u shpallur kampion edhe këtë sezon. Prandaj, në parketin e pallatit të sportit, ka qenë e vështirë për ta rivalizuar atë për vajzat shkodrane. Ata gjithsesi janë përpjekur për të bërë të pamundur ndaj këtij kundërshtari. Në periodën e parë basketbollistet e drejtuara nga trajneri Rajmond Rasha kanë kërkuar të vendosin ata në fushë por Flamurtari ka qenë më I saktë në gjuajtje dhe kjo periodë është mbyllur me fitoren e tij 24 me 16.

Vllaznia në basketboll për meshkuj duket e vendosur më shumë se kurrë për t’u shpallur kampione e vendit këtë sezon. Ndonëse ajo udhëheq bindshëm në renditje, ndonëse e ka skuadrën e kompletuar me lojtarë cilësorë, ajo ka bërë një tjetër goditje në merkato. Pikërisht dje presidenti I këtij ekipi Sokol Dibra dhe trajneri Bledar Gjeçaj, kanë arritur marrëveshjen me basketbollistin tiranas Bruno Daliu dhe paraditen e sotme eshte firmosur kontrata me te. Ky I fundit deri para pak ditësh ka qenë pjesë e ekipit Bashkimi të Prizrenit dhe tashmë e ka mbaruar kontratën me të. Sipas rregullores së Federatës Shqiptare të Basketbollit, sportistët që vijnë nga jashtë vendit, mund të federohen deri më 31 mars dhe shkodranët duke e shfrytëzuar këtë rregullore, kanë bërë marrëveshjen me Daliun.

Vllaznia në basketboll për meshkuj më në fund është ndalur. Pas 14 ndeshjesh të shoqëruara me fitore, pasditen e djeshme ajo është mundur në kryeqytet nga rivali kryesor për titull kamza Basket. Ndeshja e luajtur në pallatin e sportit të kamzës në fakt është shoqëruar me një rivalitet të fortë, aq sa për të përcaktuar ekipin fitues është dashur të luhet kohë shtesë. Ndeshja ka nisur mirë për Vllazninë. Ajo ka fituar periodën e parë me rezultatin 20 me 12 dhe kjo epërsi është thelluar në periodën e dytë teksa e ka fituar atë me rezultatin 22 me 15.

E premtja pasdite do të dhurojë një supersfidë në kampionatin kombëtar të basketbollit për meshkuj. Në pallatin e sportit të Kamzës, do të ndeshen Vllaznia kryesuese e kampionatit me Kamza Basket që mban vendin e dytë në renditje. Kjo do jetë një përballje e vlefshme për javën e 15-të të kampionatit dhe do të nisë në orën 19.00. në fakt, ky takim nuk është se vendos përfundimisht fatin e vendit të parë ngaqë shkodranët janë të shkëputur në renditje dhe e kanë siguruar atë megjithatë mbetet një betejë e vërtetë rivalësh që do kërkojnë të mundin njëri –tjetrin, duke shërbyer si nxemje në prag të ndeshjeve të plej- ofit.

Vllaznia është e pagabueshme. Kuqeblutë marrin fitoren e 14-të radhazi në kampionat pa asnjë humbje dhe asnjë barazim. Shkodranët këtë radhë kanë "thyer" Universitetin Amerikan të Tiranës. Ekipi vendas ka shfaqur edhe njëherë egon dhe vendosmërinë e një skuadre solide dhe që nuk di të bëjë hapa fals. E gjithë ndeshja është dominuar nga Vllaznia e cila nganjëherë dukej sikur ishte në seancë stërvitore e jo në ndeshje kampionati. 76-44 ka fituar ekipi kuqeblu duke marrë kështu një tjetër fitore që e përforcon në vendin e parë. Gjithçka ka folur për Vllazninë e cila që në periodën e parë tregon supermacinë e saj teksa fiton 20-8.

Vllaznia për femra ia ka dalë në ndeshjen e radhës duke marrë një fitore mjaft të vlefshme përballë Studentit. Ndeshja është luajtur mesditën e sotme në pallatin e sportit "Qazim Dervishi". Shkodranet kanë bërë një lojë të bukur duke u kurorëzuar edhe me një fitore. Vajzat kuqeblu në fakt e nisin me humbje sepse në periodën e parë munden 15-19. Kjo nuk do të thotë asgjë sepse Vllaznia zgjohet shpejt dhe kthen gjithçka në favorin e saj. Vendaset në periodën e dytë shkëlqejnë sepse fitojnë 23-9 duke kaluar në avantazh. Kaq mjafton dhe shkodranet nuk ndalen më. Në periodën e tretë në fakt Studenti fiton 18-19 por një pikë diferencë nuk mjafton për të përmbysur rezultatin.

Ekipi i Vllaznisë në basketboll për meshkuj ka arritur një tjetër fitore me mbi 100 pikë të shënuara. Ka ndodhur kështu pasditen e sotme teksa shkodranët kanë fituar me rezultatin 112- 50 ndaj Apolonisë. Ndeshja është luajtur në pallatin e sportit "Ramazan Njala" të Durrësit dhe është dominuar nga fillimi e deri në fund nga djemtë e trajnerit Gjeçaj. Kësisoj me fitoren e sotme, ato i kanë forcuar edhe më shumë pozitat në krye të renditjes teksa kanë arritur fitoren e 12-të në po kaq ndeshje të luajtura. Një ecuri e tillë është vërtetë për t'u patur zili teksa vendi i parë deri në fazën e play- ofit duket i sigurtë.

Skuadra shkodrane në basketboll për meshkuj e ka nisur fazën e dytë të kampionatit me një rezultat shumë të thellë. Në ndeshjen e luajtur pasditen e sotme në pallatin e sportit "Qazim Dervishi", ajo ka fituar me rezultatin 138-76 ndaj Elbasanit. Vetë ky rezultat tregon për epërsinë e madhe të djemve kuqeblu. Ata kanë fituar periodën e parë në shifrat 32-14 dhe epërsia ka ardhur duke u thelluar teksa në të dytën është fiksuar rezultati 38-23. Në këtë mënyrë, në pushim dy ekipet kanë shkuar me një diferencë prej 34 pikësh, duke u thelluar edhe më shumë në të dytën.

Vllaznia në basketboll për meshkuj do të kërkojë të fitojë edhe Superkupën e Shqipërisë. Ky është njëri nga tre trofetë e rëndësishëm që jep Federata Shqiptare e Basketbollit gjatë vitit dhe atë e diskutojnë skuadra kampione në fuqi me fituesen e kupës në fuqi. Pra, është një përballje në mes ekipit Kamza Basket dhe Vllaznisë. Kjo e fundit duket në delir pas fitores së kupës në ditët e fundit të muajit dhjetor. Do kërkojë patjetër fitoren edhe të këtij trofeu ndonëse finalja e tij do të zhvillohet në Kamëz. Trajneri Gjeçaj dhe basketbollistët e tij janë të përgatitur për ta kurorëzuar me sukses edhe këtë ndeshje dhe po punojmë me shumë intensitet në stërvitje çdo ditë me nga dy séanca.