BASKETBOLL

Ekipi i basketbollit të meshkujve ka fituar një tjetër ndeshje në kampionat duke u rikonfirmuar edhe njëherë tjetër si një nga ekipet pretendente për titullin kampion këtë sezon. Ai ka luajtur pasditen e sotme në pallatin e sportit "Qazim Dervishi" ndaj ekipit të Shoqatës Tirana dhe ka fituar me rezultatin 85-75. Ka qenë një ndeshje e bukur, e cila solli në shkallët e pallatit të sportit shumë sportdashës. Ka rënë në sy mbështetja shumë e fuqishme e grupimit të tifozëve "Vllaznit Ultras" gjatë gjithë ndeshjes. Takimi konsiderohej i vështirë pasi në rradhët e ekipit të Shoqatës Tirana ditët e fundit kanë ardhur edhe dy basketbollistë të huaj, dy serbët Patkoviç e Milotoçiç si dhe një basketbollist amerikan.

Pak ditë më parë, pikërisht në prag të ndeshjes gjysmëfinale të Kupës së Shqipërisë në basketboll për meshkuj, drejtuesit e ekipit të Vllaznisë kanë federuar në FSHB, blerjen e tyre të re. Pikërisht Jovan Markovski. Nga sa bëhet e ditur, ky sportist është pjesë e kombëtares së Maqedonisë, 24 vjeç, 196 cm i gjatë dhe peshon 93 kg. Markovski prej katër vitesh ka qenë pjesë e ekipit të kryeqytetit maqedonas Torus Skopje dhe tashmë deri në fund të këtij sezoni, do jetë pjesë e Vllaznisë së Shkodrës.

Ekipi i Vllaznisë në basketboll për meshkuj nuk ka mundur dot të fitojë Kupën e Shqipërisë për këtë vit. Në finalen e luajtur mbrëmjen e sotme në pallatin e sportit "Asllan Rusi" të kryeqytetit, ai është mundur nga Kamza Basket me rezulatin 67-82. Ka qenë një ndeshje e kontrolluar kryesisht nga kamzalinjtë dhe vetëm në periodën e dytë shkodranët kanë arritur të ngushtojnë shifrat por perioda e tretë ka mbyllur gjithçka.

Vllaznia në basketboll për meshkuj është kualifikuar për në finale të Kupës së Shqipërisë. Pasditen e djeshme, ajo ka mundur në ndeshjen në gjysmëfinale  ekipin e Teutës me rezultatin 88-78. Ka qenë një fitore e merituar e basketbollistëve shkodranë të cilët në këtë mënyrë kanë siguruar daljen në finale të këtij kompeticioni. Ajo që të bën përshtypje është se në rradhët e ekipit shkodran në këtë ndeshje ka luajtur edhe një basketbollist maqedonas. Bëhet fjalë për Jovan Markovski I cili ka qenë edhe shënuesi më I mirë me 21 pikë në takimin ndaj Teutës.

Ekipi i basketbollit të femrave të Vllaznisë, ka arritur dje një fitore me shumë vlera në ndeshjen e javës së 10-të të kampionatit. Ai ka mundur në Elbasan skuadrën vendase me rezultatin 91 me 81. Vajzat shkodrane e kanë udhëhequr ndeshjen që nga sekondat e para të saj dhe deri në fund. Vllaznia ka bërë një lojë të kujdesshme në këtë ndeshje. Ka fituar periodën e parë 23 me 21 dhe këtë epërsi nuk ka arritur në fakt ta ruajë në periodën e dytë e cila është fituar nga Elbasani në shifrat 25 me 14. Megjithatë gjërat kanë marrë rrjedhë tjetër në periodën e tretë. Vllaznia luan më mirë, fiton 25 me 14 dhe e kthen rezultatin në favor të saj.

Eipi i basketbollit të meshkujve të Vllaznisë ka arritur të kalojë pa shumë mundime në turin gjysmëfinal të Kupës së Shqipërisë. Ndeshja ndaj Elbasanit në fakt ka qenë e paralajmëruar për t'u luajtur nesër por me kërkesë të ekipit elbasan, është zhvilluar mesditën e sotme në pallatin e sportit "Qazim Dervishi". Skuadra që do ta fitonte këtë ndeshje do të kalonte në turin tjetër sepse kualifikimi ishte përcaktuar vetëm me një ndeshje.

Pas meshkujve të basketbollit të Vllaznise, edhe femrat rezultojnë të pafata në kohën shtesë. Edhe ata kanë humbur në shtesë sot ndaj Skënderbeut. Ndeshja ka qenë e vlefshme për javën e tetë të kampionatit dhe është luajtur në pallatin e sportit “Qazim Dervishi” dhe është fituar nga vajzat korçare me rezultatin 71-69. Ndeshja në fakt ka nisur më mirë për Skënderbeun I cili ka fituar në periodën e parë me shifrat 18-15. U duk se ata do ta donimonin ndeshjen për më tepër që edhe periodën e dytë e kanë fituar ata me rezultatin 17-13.

Të pafat basketbollistët e Vllaznisë. Ashtu si dhe femrat që humbën paradite në shtesë ndaj Skënderbeut, edhe meshkujt e kanë pësuar në të njëjtën mënyrë në takimin e luajtur mbrëmjen e sotme ndaj Apolonisë. Kjo ndeshje është luajtur në orën 18.00 në pallatin e sportit "Ramazan Njala" të Durrësit. Nga sa merret vesh, basketbollistët shkodranë kanë qenë gjithnjë në avantazh deri në sekondat e fundit të ndeshjet kur fierakët e drejtuar nga i mirënjohuri Gazmend Çaçi kanë arritur të barazojnë shifrat në 66-66.