BOKS

Mbase nuk e kishte menduar as vetë por në fund kur ka dëgjuar t'i thirret emri për të marrë trofeun e "Gongut të Artë" në ringun e Shkupit, boksieri shkodran Bekim Vjerdha është ndjerë disi i befasuar. E ka pranuar edhe vetë këtë gjë në një prononcim për gazetën "Shkodra Sport" kur shprehet:

Ka përfunduar me suksesin e kombëtares shqiptare të boksit edhe turneu "Gongu i Artë" i zhvilluar për dy ditë me rradhë në Shkup të Maqedonisë. Shqipëria ka sfiduar Serbinë në renditjen ekipore dhe i ka rrëmbyer asaj vendin e parë. Por jo vetëm kaq. Boksieri shkodran Bekim Vjerdha është vlerësuar si boksieri më i mirë i aktivitetit duke merituar edhe trofeun e veçantë të "Gongut të Artë".

Nga gjashtë boksierët me të cilët Shqipëria po përfaqësohet në edicionin e rradhës të "Gongut të Artë" që po zhvillohet në Shkup të Maqedonisë, pesë prej tyre kanë siguruar të drejtën për të qenë në finalet e ditës së nesërme. Dhe ajo çfarë është më interesantja, tre prej tyre janë pjestarë të ekipit të Vllaznisë të cilët e fituan këtë të drejtë pas takimeve të fituar ditën e sotme në gjysmëfinale.

Kombëtarja e boksit, pak ditë pas pjesëmarrjes në turneun “Adem Jashari” që u zhvillua në Prishtinë ka udhëtuar për në Shkup, aty ku këtë fundjavë do të zhvillohet turneu tjetër ndërkombëtar, ai i “Gungut të Artë”. Në këtë turne, Shqipëria do të përfaqësohet me boksierët Ardit Murja (pesha 56kg), Krenar Zeneli (pesha 60kg), Indrit Sokoli (pesha 64kg), Arjon Kajoshi (pesha 75kg), Bekim Vjerdha (pesha 81kg) dhe Emiliano Xhediku (pesha 91kg).

Kombëtarja shqiptare e boksit, me pesë sportistë në rradhët e tij, është nisur paraditen e së enjtes drejt Maqedonisë për të marrë pjesë në turneun ndërkombëtar “Gongu I Artë” që zhvillohet këtë fundjavë në Shkup. Para nisjes, trajneri Zef Gjoni në një prononcim për "Shkodra Sport" është shprehur entuziast për një tjetër paraqitje positive të boksierëve edhe në këtë turne ndonëse ai do të jetë edhe më I fortë se “Adem Jashari” I Prishtinës ku morën pjesë javën e kaluar.

Tre boksierë të kombëtares shqiptare dhe pikërisht Arjon Kajoshi, Krenar Zeneli dhe Ardit Murja, kanë zënë vende të para dhe kanë merituar medaljet e arta në turneun "Adem Jashari" që u zhvillua dje dhe sot në Prishtinë të Kosovës. Por jo vetëm kaq. Boksi shqiptar ka patur të tjera suksese. Kombëtarja jonë me tre vende të para, më shumë se gjithë ekipet e tjera, ka zënë vendin e parë dhe është vlerësuar si ekipi më i mirë i këtij turneu ndërkombëtar.

Dy boksierët e Vllaznisë dhe të kombëtares shqiptare, Arjon Kajoshi dhe Krenar Zeneli, do të synojnë fitimin e vendeve të para si në turneun “Adem Jashari” që zhvillohet këtë fundjavë në Prishtinë të Kosovës ashtu edhe në “Gongun e Artë” që do të zhvillohet javën e ardhshme në Shkup të Maqedonisë. Është trajneri i kombëtares tonë Zef Gjoni ai që në një intervistë për "SHKODRA SPORT" shprehet i bindur në suksesin e këtyre dy sportistëve.

Dy boksierë të ekipit të Vllaznisë, pikërisht Arjon Kajoshi dhe Krenar Zeneli do të marrin pjesë në turneun ndërkombëtar "Adem Jashari" që zhvillohet këtë fundjavë në Prishtinë të Kosovës. Ata kanë kohë që përgatiten për këtë aktivitet teksa nuk e kanë ndërprerë për asnjë moment stërvitjen që prej përfundimit të kampionatit kombëtar kur të dy u shpallën kampionë të vendit.

Elsidita Selaj është boks ierja e parë shqiptare femër që ka marrë pjesë në një turne ndërkombëtar të zhvilluar në Sofje të Bullgarisë. Selaj arriti që, në përfundim të këtij turneu, të renditet në vendin e tretë duke marrë medaljen e bronztë dhe ngritur lart flamurin shqiptar në këtë event mjaft të rëndësishëm për këtë lloj sporti. Pas suksesit të arritur, ajo tregon se ka dhe një ëndërr të madhe.

Boksi shkodran përveç triumfit të padiskutueshëm në arenën kombëtare prej 26 vitesh, po i dhuron boksit shqiptar edhe një tjetër risi. Për herë të parë në historinë e tij, një boksiere shkodrane, pikërisht Elsidita Selaj do të marrë pjesë në një turne ndërkombëtar që ka nisur sot në Sofje të Bullgarisë duke përfaqësuar kësisoj Shqipërinë në mes 21 shteteve pjesmarrëse me një total prej 140 boksieresh.