BOKS

Rëndësia e Memorialit të nëntë ndërkombëtar të boksit "Vllaznia 2012" që starton nesër në Shkodër, rritet edhe më tepër nga niveli i lartë i boksierëve pjesmarrës. Kështu, kanë mbërritur sot për të marrë pjesë boksierët e 14 shteteve të ndryshme teksa mes tyre ka patur edhe jo pak emra të mëdhenj të këtij sporti. Kuptohet, që sportisti më me emër që merr pjesë në këtë Memorial është padyshim Roberto Cammarelle. Italiani në fjalë është kampion olimpik në "Pekin 2008", dy herë kampion i botës në Çikago më 2007 dhe në Milano më 2009, kampion i Mesdheut dhe fitues i shumë trofeve të tjerë. Ai, menjëherë pas mbërritjes në Shkodër dhe sistemimit bashkë me ekipin italian në hotel "Colosseo", ka pranuar me kënaqësi të intervistohet nga gazeta online www.shkodrasport.com teksa ka thënë:

Afrimi i Memorialit "Vllaznia 2012" sigurisht që ka shtuar emocionet tek organizatorët sepse edicioni i sivjetëm i tij, pritet të jetë më i madhi që është zhvilluar ndonjëherë. Më së shumti, këto emocione shihet tek trajneri i mirënjohur Zef Gjoni që është njëkohësisht edhe inisiatori kryesor i zhvillimit të këtij aktiteti shumë të rëndësishëm. Por nëse ai ka emocione për ndeshjet që do luhen, gjatë këtyre ditëve ka kaluar jo pak stres edhe sa i takon organizimit dhe kryesisht sigurimit të anës financiare. Në një prononcim të tij të sotëm për gazetën online shkodrasport.com, do të shprehej: "Çdo gjë sa i takon stërvitjes dhe bërjes gati të sportistëve është në rregull. Por vazhdojmë të kemi këto problemet e organizimit sepse ana financiare e mbulimit të këtij aktiviteti na ka lodhur jo pak. Bashkia Shkodër edhe njëherë tjetër në la në baltë sërish duke akorduar vetëm një fond të vogël ndërkohë që vetëm falë shokëve dhe miqve, shkodranëve që jetojnë në Tiranë apo qytete të tjera, kemi arritur të sigurojmë diçka dhe në këtë mënyrë turneu do bahet".

Kërkesa për të marrë pjesë në Memorialin ndërkombëtar të boksit “Vllaznia 2012” ka qenë shumë e madhe. Këtë e ka konfirmuar inspektori i Federatës Shqiptare të Boksit Migen Pero  i cili sëbashku me sekretarin e kësaj Federata Edmond Kabashi, kanë qenë dje në Shkodër për të biseduar rreth përgatitjeve që po bëhen për këtë aktivitet. Sipas Peros, të gjitha kërkesat e ardhura për të marrë pjesë në memorialin që nis më datë 9 mars nuk janë miratuar ngaqë nuk janë mundësitë për të pritur kaq shumë sportistë nga e mbarë bota. "Kemi patur rreth 25 kërkesa nga e mbarë bota por nuk kemi mundur t'ua plotësojmë të gjithëve kërkesën ngaqë tre ditë aktivitet janë dhe pjesmarrja do jetë paksa më e kufizuar. Them se do jetë një aktivitet që do ketë përmasa të mëdha dhe prandaj po marrim të gjitha masat që gjërat të shkojnë ashtu siç duhet"-ka thënë ai.

Kërkesat për të marrë pjesë në Memorialin “Vllaznia 2012” po shtohen çdo ditë e më tepër. Pas 15 shteteve që kishin konfirmuar pjesmarrjen , dy ditët e fundit kanë ardhur edhe dy konfirmime të tjera. Lajmi është konfirmuar nga Federata Shqiptare e Boksit teksa bëhet e ditur se edhe Bullgaria dhe Serbia kanë shprehur gatishmërinë e tyre për të marrë pjesë në këtë aktivitet të rëndësishëm ndërkombëtar. Bashkë me ta, ka shkuar në 17 numri i ekipeve megjithatë organizatorët ende nuk janë shumë të qartë nëse duhet të pranojnë më ekipe apo jo. Kjo ngaqë ata kanë patur probleme me anën financiare për mbarëvajtjen e aktivitetit.

Dy boksierët e Vllaznisë Asmer Bilali dhe Kristian Demaj nuk kanë mundur dot të hyjnë në zonën e medaljeve ashtu siç pretendonte para nisjes për në Bullgari trajneri I tyre Zef Gjoni. Të dy këta boksierë kanë patur edhe fatin e keq që të ndeshen që në turin e parë me disa nga boksierët më të fortë, pjesmarrës në këtë turne. Kështu Bilali në peshën 69 kilogramë, ka patur përballë boksierin nga Korea Kim Jung me të cilin ka humbur me pikë me rezultatin 18-11. Boksieri tjetër shkodran Kristian Demaj këtë herë ka konkurruar në një peshë të re për të, atë 81 kilogramë. Përballë tij ka qenë një kundërshtar shumë I fortë, armenasi Artur Kaktrian me të cilin ka bërë një ndeshje shumë të bukur megjithatë në fund ka dalë I humbur me rezultatin e ngushtë 13-11.

Një pjesë e Kombëtares së Shqipërisë në boks do të marrë pjesë në një turne rajonal që do të zhvillohet në Bullgari. është pikërisht trajneri i përfaqësueses së boksit Zef Gjoni i cili bashkë më dy boksierët e tij, shkodranët Kristian Demaj e Asmer Bilali janë nisur sot drejt Bullgarisë dhe do të kërkojnë të bëjnë një përfaqësim dinjitoz atje. Bilali si gjithnjë do të boksojë në peshën e tij 75 kilogramë. Shkodrani thuhet nga trajneri Gjoni se është në një formë të mirë sportive dhe këtë gjë kërkon ta tregojë edhe në ring në përballjet që do të ketë në këtë turne. Ndërkohë që për Demaj kjo pjesëmarrje është edhe më e veccantë sepse përkon me 20-vjetorin e tij dhe natyrisht që do të japë maksimumin e tij në mënyrë që festës së ditëlindjes t'i shtohet edhe një medalje në këtë turne rajonal.

Ka arritur rezultate të suksesesshme në boks. çdo herë që ka hypur në ring na ka befasuar. Gjithnjë ka dhuruar emocione në sfidat e tij dhe në të shumtën e rasteve ka dalë fitimtar. Bëhet fjalë për boksierin shkodran Kristian Demaj. Të gjitha këto në fakt i ka bërë pa mbushur ende 21 vjeç. Shumë kush ndoshta nuk e di e mund të habitet për moshën e tij të re e karrierën e pasur që ka. 21 shkurti është ditë e rëndëishme për të Kristianin sepse ai sot mbush 21 vjeç. Pikërisht në këtë 21-vjetor ka udhëtuar drejt Bullgarisë bashkë me trajnerin e tij Zef Gjoni e boksierin e talentuar Asmer Bilali në një turne që zhvillohet atje. Detyrimisht ditëlindjen do ta festojë me dy miq shumë të mirë trajnerin Gjoni e boksierin Bilali. Demaj për të parën herë do të hypte në ring në një moshë fare të re.

Numri 1 i klubit shumësportësh Vllaznia, Gëzim Mema ka hedhur poshtë çdo dilemë që ka ekzistuar për zhvillimin apo jo të Memorialit "Vllaznia 2012" në boks. Në një prononcim të tij për gazetën online www.shkodrasport.com, ai ka theksuar se pret nga Bashkia Shkodër garancinë për përballimin e këtij aktiviteti nga ana financiare, ashtu siç ka bërë edhe vitet e tjera.Marsi po afron dhe bashkë me të edhe Memoriali ndërkombëtar i boksit “Vllaznia 2012”. Deri tani kanë konfirmuar pjesmarrjen e tyre plot 15 shtete, çka tregon se do kemi një pjesmarrje shumë të madhe, mes të cilëve edhe kampiona bote dhe kampionë olimpike. Prej shumë kohësh, dilema e madhe ka qenë mbulimi i anës financiare për zhvillimin e këtij aktiviteti të rëndësishëm.

Memorali ndërkombëtar i boksit "Vllaznia 2012" po shënon një numër rekord pjesmarrësish. Ndonëse organizatorët, klubi Vllaznia, Bashkia Shkodër dhe Federata Shqiptare e Boksit ende nuk kanë sigurtuar plotësisht anën financiare që duhet për përballimin e këtij aktiviteti shumë të rëndësishëm. Ditën e djeshme ndërkohë ka mbërritur edhe konfirmimi nga shteti i 15-të që kërkon të jetë pjesmarrës në këtë Memorial që do të zhvillohet në Shkodër muajin e ardhshëm. Ai është ekipi i Egjiptit që ka shprehur dëshirën e tij për të marrë pjesë në turneun që zhvillohet në datat 9-12 mars. Me Egjiptin tashmë dhe Australinë që do marrë pjesë me vetëm boksierin e peshës 81 kg, numri i ekipeve pjesmarrëse deri tani në Memoralin e Shkodrës shkon në 15.

Numri i shteteve që  kanë konfirmuar pjesmarrjen e tyre në Memoralian Ndërkombëtar të boksit “Vllaznia 2012” ka shkuar në 13. Madje nëse shtojmë këtu edhe Australinë që do marrë pjesë me një boksier të vetëm, numri shkon në 14. Kjo tregon edhe njëherë tjetër interesimin e madh që ka për këtë aktivitet- memorial që zhvillohet çdo vit në Shkodër  në nderim të figurave të njohura të boksit shkodran që nuk jetojnë më. Fakti që ky aktivitet është në prag të Lojërave Olimpike, po shfrytëzohet nga ekipet pjesmarrëse për të testuar veten në ringun e Shkodrës. Organizatorët e këtij turneu e prisnin këtë interesim dhe prej kohësh janë marrë me organizimin e gjithçkaje që ka të bëjë me mbarëvajtjen e tij. Pjesmarrja kaq e madhe në Memorialin “Vllaznia 2012” që do të zhvillohet në datat 9-12 mars, shënon evenimentin me pjesmarrjen më të madhe që është bërë ndonjëherë për sportin e boksit në vendin tonë.