FUTBOLL - KATEGORIA E PARE

Skuadra që ai drejton, Vllaznia B sot është mundur 0-1 nga Kastrioti në një ndeshje që u duk se po shkonte drejt barazimit. Goli i Dycës në minutën e 85-të ka ndëshkuar ekipin e dytë të klubit shkodran. Trajneri Ervis Kraja sigurisht që ndjehet keq për këtë humbje megjithatë pranon superioritetin e krutanëve që kanë objektiva madhore për të realizuar në këtë kampionat.

Javën që shkoi "Vllaznia B" mori pikën e parë në kampionatin e kategorisë së parë ku merr pjesë sivjet. Ajo ndali brenda në Pukë Tërbunin vendas me një barazim 1-1. Mbase, mund të kishte marrë edhe më shumë por duhet thënë se stafi dhe futbollistët shkodranë janë të kënaqur me këtë rezultat.Kjo ngaqë u treguan të gjithëve se ky ekip nuk do jetë thjesht për formalizëm në këtë kampionat por do të mundohet ta thotë fjalën e tij ashtu si duhet.

Mesfushori 24 vjeçar Stiv Shaba është lojtari i momentin për ekipin e Tërbunit. Me lojën e tij ka rënë në sy duke bërë për vete të gjithë sportdashësit e kësaj skuadre. Por jo vetëm kaq. Ai është shndërruar edhe në njeriun-gol për ta. Në tre ndeshjet e para zyrtare të këtij sezoni, ka shënuar tre gola. Të parin ndaj Teutës në ndeshjen e Kupës së Shqipërisë duke i dhënë fitoren 1-0 pukjanëve në ndeshjen e parë.

Në barazim 1-1 është mbyllur ndeshja e luajtur pasditen e sotme në "Ismail Xhemali" të Pukës në mes Tërbunit vendas dhe "Vllaznia B", ndeshje kjo e vlefshme për javën e dytë të kategorisë së parë. Interesant është fakti se nga 22 futbollistët që kanë zbritur në fushë, plot 18 kanë qenë nga Shkodra. "Vllaznia B" kuptohet që ka një përbërje tërësisht me futbollistë nga ky qytet ndërkohë që tek Tërbuni e kanë nisur si titullar 7 vetë.

Vazhdon seria e rezultateve pozitive për ekipin e Kastriotit të Krujës që këtë sezon drejtohet nga trajneri shkodran Samuel Nikaj. Pasditen e sotme, krutanët kanë pritur në fushën e tyre Egnatian e Rrogozhinës dhe kanë fituar 2-1 ndaj saj. Të dy golat e vendasve janë shënuar që në minutat e para me anë të Malindit dhe Çelës dhe ndonëse Vargu ka shënuar për rrogozhinasit në pjesën e dytë, kjo gjë nuk e ka ndryshuar fatin e ndeshjes.

Dybala është lojtari i momentit sot në futbollin. Ai "po merr për dore" Juventusin duke rregjistruar fitore pas fitoresh. Por në fakt sot në Pukë në ndeshjen Tërbuni- Vllaznia B kanë qenë Dy-Bala. Po, po, Dy-Bala. Dhe interesant është fakti se dy vëllezër kanë qenë kundërshtari të njëri- tjetrit.

Skuadra pukjane zgjedh kapitenin e saj. Shiritin tek Tërbuni në këtë sezon do ta mbajë një shkodran. Bëhet fjalë për Valdano Nimanin. Stafi teknik dhe drejtuesit e tjerë të klubit kanë vendosur në këtë mënyrë nisur nga përvoja dhe eksperienca e madhe që ka ky futbollist.

Kalendari i kategorisë së parë nuk ka qenë aspak i favorshëm për "Vllazninë B". Pas ndeshjes së parë të luajtur në transfertën e Rrogozhinës të shtunën që shkoi, të njëjtën gjë asaj i duhet të bëjë edhe këtë fundjavë. Sërish do të luajë jashtë Shkodre, këtë herë ndaj Tërbunit. Takimi që do të luhet të shtunën në stadiumin "Ismail Xhemali" të Pukës konsiderohet i vështirë për djemtë që drejtohen nga trajneri Ervis Kraja sepse vendasit konsiderohen pretendentë në Grupin A.

Skuadra e dytë e klubit shkodran, "Vllaznia B" e ka nisur me humbje kampionatin e kategorisë së parë në të cilin militon sivjet. Pasditen e sotme ajo është mundur 0-1 nga Egnatia në ndeshjen e luajtur në qytetin e Rrogozhinës. Ka mjaftuar një gabim në prapavijë i futbollistëve kuqeblu dhe lojtari veteran i vendasve Vangjel Mile ka shënuar të vetmin gol të ndeshjes që në minutën e 16-të.

Barazim në Lezhë në mes Besëlidhjes dhe Tërbunit. Këta të fundit kanë arritur të marrin një pikë shumë të vlefshme falë golit të shënuar nga mesfushori shkodran Stiv Shaba. Lezhjanët kanë kaluar të parët në avantazh që në minutën e 12-të me anë të Camara dhe këtë e kanë ruajtur deri në pjesën e dytë.