MOSHAT

Dy ndeshjet e prapambetura të javës së parë të kampionatit të moshave për ekipet e Akademisë Vllaznia, do të luhen këtë të dielë. Duke shfrytëzuar ndërprerjen e kampionatit, është rënë dakord që këto ndeshje të luhen këtë fundjavë në mënyrë që të mos ndikojë në ecurinë e mëtejshme të garës. Ekipet shkodrane do të udhëtojnë drejt kryeqytetit për t'u ndeshur me ekipet respektive të Internacionalit.

Prej dy ditësh ka nisur aplikimi për llotarinë amerikane dhe shumë shqiptarë kanë filluar ta bëjnë atë. Dëshira e shumë prej tyre është sërish për t'u larguar nga ky vend dhe padyshim që ky nuk është lajm i mirë. Nga informacionet që kemi, kanë aplikuar apo do të aplikojnë në ditët e ardhshme edhe shumë trajnerë dhe kuadro sporti. Një gjë e tillë nuk është e mirëpritur në fakt sepse zhvillimi i sportit në një vend ka si baza kualifikimin dhe shkollimin e njerëzve të tij.

Ata trajnerë që largohen nga Akademia Vllaznia, duket se e kanë të gjetur destinacionin e tyre të ri. Përfundojnë tek "Albania Ajax School". Kështu ka ndodhur këtë herë edhe me Haris Liken. Sezonin e kaluar ai ka qenë pjesë e Akademisë Vllaznia ku fillimisht drejtoi ekipin U-17 ndërsa më pas kaloi tek ekipi U-15.

Kampionatet kombëtare të moshave kanë dy javë që kanë nisur dhe tek ai i 19 vjeçarëve surpriza është padyshim ekipi AAS. Në dy javët e para të kampionatit, djemtë e drejtuar nga trajneri Marvin Meçenovi ka luajtur në Shkodër ndaj atij të Kukësit me të cilin ka fituar me rezultatin 1-0. Golin e vetëm të takimit e ka shënuar Lacaj me një goditje të fortë.

Pjesmarrja në "Uefa Youth League" për ekipin Vllaznia U-19 sigurisht që nuk ka dhuruar vetëm emocionet e pjesmarrjes në një aktivitet të tillë kaq të rëndësishëm. Kjo sepse duke luajtur këto ndeshje, shkodranët e rinj kanë patur mundësinë të tregojnë vlerat edhe në sytë e menaxherëve të ndryshëm.

Me fitore të thellë e kanë nisur kampionatin e ri futbollistët 17 vjeçarë të Akademisë Vllaznia. Në fakt sot janë luajtur ndeshjet e javës së dytë të kampionatit por për ekipet shkodrane kanë qenë ndeshjet e para sepse siç dihet, ndeshjet e javës së kaluar janë shtyrë për shkak të ndeshjes së ekipit U-19 në "UEFA Youth League".

Ashtu si 17 vjeçarët, edhe 19 vjeçarët e Vllaznisë kanë fituar me të njëjtin rezultat 4-0 në ndeshjen e parë të këtij kampionati, atë ndaj Laçit të zhvilluar mesditën e sotme në "Reshit Rusi". Trajneri Luan Zmijani e nisi lojën me këtë formacion: Qarri, Lekaj, Sekja, Shimaj, Hysenaj, Rahova, Qardaku, Smajli, Fikaj, Palushani dhe Gruda ndërsa të gatshëm ka patur Kurtulen, Lisaj, Marinaj, Dani, Mehja, Leku dhe Stafen.

Pavarësisht humbjes në përballjen e djeshme në Moldavi, drejtori i Akademisë së Vllaznisë, Alban Neziri, në një prononcim për “Panorama Sport”, është shprehur se fati nuk ishte në anën e kuqebluve. “Kemi bërë përgjithësisht një ndeshje të mirë dhe jemi ndëshkuar nga gabime të momentit, por edhe fati nuk ishte në anën tonë.

Kur sot në orën 18:00, Vllaznia U-19 do të zbresë në fushën e “Stadionul Zimbru” në Kishinau të Moldavisë, ajo do të hyjë në histori si skuadra e parë shqiptare që luajti në “UEFA Youth League”, versioni “Junior” i Ligës së Kampioneve. Edhe pse përballë ka një ekip jo me emër të madh, si FK Zimbru i Moldavisë, kuqeblutë e drejtuar nga trajnerët Luan Zmijani dhe Gjon Kola, janë përgatitur seriozisht për t’u kthyer në Shkodër me suksesin e parë ndërkombëtar.

Vllaznia U-19 nuk ka arritur të marrë një rezultat pozitiv në ndeshjen e parë të "Uefa Youth League" teksa është mposhtur 1-3 në Moldavi nga Zimbru U-19, në takimin e parë. Për ekipin moldav shënoi Stina në minutën e 23-të duke mbyllur me shifrat 1-0 për Zimbru U-19 pjesën e parë. Në fraksionin e dytë, miqtë realizuan dy gola të tjerë brenda tri mintuash.