“Deda”: Jam në Shkodër sepse besoj që Vllaznia shpëton

0

Vllaznia është si shtëpia ime dhe prandaj për të jam gjithnjë I gatshëm për t’I shërbyer. Kjo është deklarata e bërë nga trajneri I ri I saj Dervish Haxhiosmanoviç. Ai është prezantuar para skuadrës pasditen e së mërkurës nga drejtori sportiv Armir Grima dhe menjëherë ka nisur punën me të duke vazhduar përgatitjet për kthimin sa më shpejt të situatës. Vetë “Deda” është shprehur se ndodhet në Shkodër ngaqë ka besim për shpëtimin e kësaj skuadre.

Dervish Haxhiosmanoviç, i pranishëm në stërvitjen e Vllaznisë

0

Pasditen e sotme, i pranishëm në stërvitjen e Vllaznisë për disa minuta ka qenë edhe trajneri malazez Dervish Haxhiosmanoviç. Ai ka qenë i shoqëruar nga drejtori sportiv Armir Grima. Të dy sëbashku kanë ndjekur për disa minuta seancën stërvitore të kuqebluve të zhvilluar në fushën sportive të Shtojit dhe më pas janë larguar. Prania e "Dedës" në këtë seancë stërvitore, të lë të kuptosh se ai është shumë pranë pankinës kuqeblu. Emri i tij është përmendur në Shkodër ditët e fundit pas largimit të Canajt megjithatë ende nuk ka asgjë zyrtare. Ai në fakt pëlqehet shumë në Shkodër, për punën e bërë më përpara me Vllazninë me të cilën ka arritur të fitojë titullin kampion në vitin 2001, Kupën e Shqipërisë në vitin 2008 dhe Superkupën në vitin 2001.

Zyrtare: Dervish Haxhiosmanoviç zgjidhet trajneri i ri i Vllaznisë

0

Vllaznia e ka gjetur trajnerin e ri. Ai është Dervish Haxhiosmanoviç. Në fakt, nuk është i ri sepse në Shkodër ka shumë përvojë dhe i njohur duke qenë trajneri më i suksesshëm i viteve të fundit me këtë skuadër. "Deda" ka qenë i pranishëm në stërvitjen e pasdites së sotme të kuqebluve, i shoqëruar nga drejtori sportiv Armir Grima. Të dy sëbashku kanë ndjekur për disa minuta seancën stërvitore të kuqebluve të zhvilluar në fushën sportive të Shtojit dhe më pas janë larguar.Më pas janë zhvilluar bisedimet dhe në fund është arritur akordi. Që do të thotë se Dervish Haxhiosmanoviç do të jetë trajneri i ri i Vllaznisë deri në fundin e këtij sezoni.

Vllaznia gabon sërish në Shkodër. Mundet 0-1 nga Partizani

0

Një vendim I gjyqtarit Enea Jorgji në minutën e 45-të të ndeshjes duke ndëshkuar me penallti Vllazninë dhe duke e nxjerrë me karton të kuq portierin Selimaj, ka mjaftuar që Nexhipi të shënojë për Partizanin dhe ai ta fitojë krejt ndeshjen me rezultatin 1-0. Një ndeshje që ka sjellë edhe reagimin e tifozëve shkodranë të cilët kanë shprehur pakënaqësinë në lidhje me gjykimin. Takimi nisi me shumë mungesa në rradhët e kuqebluve, ndër të cilët edhe të portierit Vujadinoviç për arsye shëndetësore. Gjatë pjesës së parë, ka qenë Partizani I cili ka patur dy raste me anë të Krasniqit dhe Mazrekajt por kur u duk se kjo pjesë do mbyllej në barazim, ka ardhur 11-metërshi në dëm të vendasve.

Nikaj: Vllaznia bashkë me tifozët do ta mundë patjetër Partizanin

0

Njeriu që është duke drejtuar aktualisht kuqeblutë bashkë me kolegun e tij Avenir Dani dhe drejtorin sportiv Armir Grima, është optimist për një fitore në ndeshjen e nesërme me Partizanin. Për Samuel Nikajn, është e dyta ndeshje që ai do jetë në timonin e kuqebluve dhe ai mendon se ka ardhur momenti që ata të kthehen pas shumë javësh tek fitorja. Në një intervistë në pragndeshjen me Partizanin, ai ka thënë se këtë skuadër e njohin më mirë se çdo kundërshtar tjetër sepse janë ndeshur plot 4 herë këtë sezon dhe bilanci është pozitiv ndaj tyre.

Gafë e Rrakllit. Aktivizon 12 futbolliste në miqësoren e kombëtares

0

Trajneri i kombëtarës shqiptare të femrave Altin Rraklli ka bërë një gafë në ndeshjen miqësore të para dy ditëve të zhvilluar ndaj kombëtares U-19. Në pjesën e dytë të kësaj miqësore, ai ka aktivizuar për disa minuta 12 futbolliste në fushën e lojës. Ka qenë trajneri i kombëtares U-19 Saimir Keçi ai që e ka vërëjtur këtë gjë teksa ka numëruar kundërshtaret e ekipit të tij në fushë dhe e ka sinjalizuar kolegun e tij, i cili duket se nuk i ka kushtuar vëmendje zëvendësimeve në fushë dhe në momentin kur ka dashur të bëjë një zëvendësim, njëra nga futbollistet që është dashur të largohet, ka vazhduar të jetë në fushë.

Vllaznia- Partizani të dielën në orën 14.00. Bileta të lira për tifozët

0

Ndeshja Vllaznia- Partizani do të luhet ditën e dielë në orën 14.00 në stadiumin “Loro Boriçi”. Ky është orari që ka vendosur Federata Shqiptare e Futbollit për zhvillimin e kësaj ndeshje. Në fakt ky institucion kishte planifikuar fillimisht ditën e shtunë për luajtjen e këtij takimi por drejtuesit e Vllaznisë kanë kërkuar shtyrjen me 24 orë dhe kjo kërkesë është miratuar. Përveç kësaj, nisur edhe nga rëndësia e madhe që ka kjo ndeshje, drejtuesit e klubit shkodran kanë vendosur që të vënë sërish çmime simbolike biletash edhe për këtë ndeshje teksa një biletë në tribunën qendrore do kushtojë vetëm 2 mijë lekë të  vjetra ndërsa një biletë në tribunën përballë vetëm 1 mijë lekë të vjetra.

Cungu kthen përgjigje: S’mund të përfshihem tek Vllaznia aktuale

0

Mbrëmjen e sotme është pritur kthimi i një përgjigje nga ana e tij. Natyrisht për postin e trajnerit të Vllaznisë. Armando Cungu e ka kthyer atë. E ka bërë të ditur ekskluzivisht edhe për gazetën online shkodrasport.com kur ka thënë: "Pasi e konsiderova me shumë keqardhje situatën e ekipit me të cilën fillova karrierën time sportive- Vllaznia, pasi u konsultova me miq dhe dashamirës, e konsideroj të parezultat përpjekjen time për t'u përfshirë te "kjo" Vllazni. Ndiej të njëjtat ndjenja dëshpërimi si çdo tifoz fisnik i Vllaznisë" - ka thënë ai.

Cungu kandidaturë: Për Vllazninë vendos të mërkurën në darkë

0
Armando Cungu, është një nga alternativat më të mundshme për të marrë drejtimin e Vllaznisë. Shkodrani mësohet se ka marrë një ftesë nga drejtuesit e Vllaznisë, pas largimit të Canajt, por ende nuk ka vendosur asgjë për të ardhmen...

Arrihet marrëveshja. Agim Canaj s’është më trajner i Vllaznisë

0

Agim Canaj nuk do të jetë më trajner I Vllaznisë. Vlonjati që ka drejtuar atë që nga fillimi I muajit gusht, paraditen e së hënës ka ndërprerë me mirëkuptim kontratën aktuale me klubin. Ai ka patur një takim me kryebashkiakun Luka në zyrën e tij paraditen e sotme dhe në fund është arritur akordi për të ndërprerë bashkëpunimin. Nga sa bën të ditur vetë klubi shkodran, palët kanë falenderuar njëra- tjetrën për bashkëpunimin gjatë këtyre muajve por kuptohet që situata aktuale kërkonte një ndryshim dhe për këtë është parë e arsyeshme të largohej trajneri. Po ashtu, nga ana e klubit bëhet e ditur se pas largimit të Canajt, do fillojë puna për gjetjen e trajnerit të ri.