FUTBOLL

Trajneri i Vllaznisë Rudi Vata në konferencën e shtypit të pasndeshjes, e ka pranuar superioritetin e kundërshtarit dhe ka thënë se Kastrioti e meritoi fitoren. Por nga ana tjetër, ai ka analizuar edhe gabimet e vërejtura tek skuadra e tij, mbi të gjitha në repartin e mbrojtjes dhe pikërisht këto gabime duhen analizuar në mënyrë urgjente për t'i korigjuar sa më parë sepse ndeshja me Flamurtarin është në prag. Ja si është shprehur Vata për mediat: Kastrioti ka arritur të dominojë me dy gola që ishin të eliminueshëm, madje mund të them me plot gojën se një skuadër profesioniste, nuk duhej t'i kishte pësuar ato gola. Për mendimin tim skuadra krutane e ka merituar plotësisht fitoren, pavarësisht se edhe mund të kishte marrë rrjedhë tjetër rezultati nëse sulmuesit tanë Jabllan dhe Gjini të ishin treguar më të kujdesshëm apo edhe mund të kishim arritur të shënonim penalltinë.

Pas Ari Djepaxhisë, problemet e dëmtimit po ndjekin herëpashere edhe mesfushorin tjetër Edon Hasanin. Edhe ai, po kalon nga një dëmtim në tjetrin teksa mësohet se me dëmtimin e fundit, do të qëndrojë edhe për dy javë të tjera larg skuadrës. Në fakt nuk është një dëmtim i ri për të. Thjesht është përsëritja e një dëmtimi që ka patur më parë në kofshë dhe aktivizimi në ndeshjen e fundit me Laçin ende pa u rikuperuar plotësisht, e ka rikthyer dëmtimin. Këto dëmtime po i prishin jo pak punë këtij futbollisti sepse në vend që të ishte sezoni i shpërthimit të tij ky aktuali, po shoqërohet me probleme të shumta. Për rrjedhojë pritet që Hasani të mos luajë ndaj Kastriotit nesër, ndaj Flamurtarit të mërkurën për kupë dhe ndaj Tiranës fundjavën e ardhshme për kampionat.

Gazetarët sportivë të Shkodrës kujtohen sërish për nderimin e figurave të njohura të sportit shkodranë dhe atij shqiptar. Pasi kanë marrë pjesë pak ditë më parë në kupën e përvitshme që mban emrin e Panajot Panos, ekipi i gazetarëve të Shkodrës, në bashkëpunim me atë të TVSH-së, ka marrë përsipër të organizojnë kupën në emrin e të mirënjohurit Medin Zhega. Pikërisht për t'i sjellë ndoshta nostalgji për të sjellë ndonjë reagim të shëndetit të tij në mënyrë që edhe ai të përmirësohet. Kupa do të jetë një ndeshje në kompleksin sportiv "Memçaj" në orën 11.00 në mes këtyre dy ekipeve, gazetarëve të Shkodrës dhe atyre të TVSH-së.Janë ftuar për të marrë pjesë miq të mjeshtrit Zhega, kolegë të tij, drejtues të klubit Vllaznia etj.

Trajneri i Vllaznisë Rudi Vata ndonëse kanë kaluar disa orë nga përfundimi i ndeshjes Laçi- Vllaznia, ende është shumë i zemëruar me gjykimin e ndeshjes nga Kridens Meta. Për të mos thënë që është i acaruar me të. Nga sa bëhet e ditur, ai i ka bërë thirrje publike edhe ministrit të sporteve për të ndërhyrë tek futbolli shqiptar në mënyrë për të mos lejuar degradimin e tij edhe më tej. Nga ana tjetër, bëhet e ditur se vetë Vata ka kërkuar të dalë para mediave teksa në orën 14.00 të ditës së sotme do të jetë në një konferencë shtypi pikërisht për këtë çështje.

Ndeshja e rradhës, ajo e vlefshme për javën e 17-të në mes ekipeve të Vllaznisë dhe Kastriotit, do të luhet ditën e shtunë në orën 18.00 në stadiumin "Loro Boriçi". Kështu është vendosur nga kompania që trasmeton ndeshjet e Superligës në bashkëpunim edhe me FSHF-në. Vendosja për ta luajtur këtë takim nën dritën e projektorëve, tregon se ky takim pritet me shumë interes dhe për këtë arsye, edhe shikuesit do jenë të shumtë. Në Shkodër nuk e kanë kundërshtuar këtë gjë ndonëse Vllaznia nuk ka patur shumë shans me zhvillimin e ndeshjeve me drita. Kuptohet që atmosfera është shumë më e bukur por në Shkodër nuk e duan shumë bukurinë, nisur edhe nga ato çfarë kanë ndodhur në ndeshjet e mëparshme që janë zhvilluar në kushte të tilla.

Drejtuesit dhe futbollistët e Vllaznisë janë shqetësuar shumë pas humbjes dje në Krujë me Laçin jo se lanë tre pikë dhe tashmë gjërat janë vështirësuar së tepërmi. Ata janë shqetësuar për atë çfarë ndodhi me arbitrin dhe çfarë pritet të ndodhë në ndeshjen e fundit të turit çerekfinal të Kupës së Shqipërisë në mes Laçit dhe Skënderbeut. E ka pranuar trajneri Vata se diçka "po gatuhet", e ka pranuar administratori Shaba, por ai që del hapur është Dritan Smajli. Duke folur për gazetën online www.shkodrasport.com, mbrojtësi- mesfushor i Vllaznisë do të shprehej:

Opinion nga Gjergj KOLA

Dikush e ka frikë Vllazninë. Ka qenë kështu në fakt gjithmonë. Sa herë që ajo kthehej në formën e saj më të mirë, ndodhte diçka që do t'i prishte punë asaj. Ndodhi edhe këtë herë. Kur të gjithë e panë që Vllaznia po rikthehej, "i futën shkopinjë ndër rrota". Ka ndodhur pikërisht sot në Krujë teksa "shkopi" që iu fut në rrotë kësaj skuadre, ishte pikërisht gjyqtari Kridens Meta.

Ballafaqimi i parafundit i turit çerekfinal të Kupës së Shqipërisë në mes ekipeve të Laçit dhe Vllaznisë do luhet nesër (e mërkurë) në stadiumin e qytetit të Krujës. Takimi do luhet në orën 14.00 dhe të dy ekipet do kërkojnë patjetër marrjen e pikëve maksimale. Edhe laçianët pavarësisht se kanë grumbulluar deri tani vetëm dy pikë, kanë ambicjet e tyre për të pretenduar deri në fund zënien e një vendi që do t'i çonte në turin gjysmëfinal. Këtë objektiv patjetër që ka edhe Vllaznia që do kërkojë fitoren ose më së paku barazimin në mënyrë që me një fitore në takimin e fundit në Shkodër ndaj Flamurtarit, të jetë ajo në katër ekipet më të mira që do të vazhdojnë garën për ta fituar këtë trofe.

Vllaznia duket se po e kthen në traditë nxjerrjen e një talenti çdo vit. Para 5 sezonesh ishte Gilman Lika, më pas Xhevahir Sukaj, tre vjet më parë I erdhi rradha Shtubinës, pastaj Balës, vjet ishte Vajushi, ndërsa sivjet ka një tjetër emër të ri që po spikat. Sigurisht në ndryshim nga të mëparshmit, nuk është krejt I ri në moshë, por është zbulimi I vërtetë I Vllaznisë së këtij sezoni. Bëhet fjalë për Arsen Hajdarin, një futbollist  që po spikat me performancën e tij në këtë kampionat. 23 vjeçari është mbi të gjitha një futbollist polyvalent. Gjatë këtij sezoni është provuar të luajë edhe mbrojtës në krahun e majtë, mesfushor në po këtë krah apo dhe në të djathtin ndërkohë që në ndeshjet e fundit, po shfaqet edhe si sulmues.

Ka mjaftuar një fitore në transfertë ndaj Teutës kryesuese dhe në Shkodër janë ringjallur shpresat për një Vllazni pretendente. Kuptohet që për vendin e parë e të dytë gjërat janë shumë të vështira por diku më poshtë, tashmë çdo gjë është e mundur. Goli i Smajlit në minutën e 88-të të ndeshjes së luajtur në “Niko Dovana” ka patur një vlerë të madhe. Në të gjitha drejtimet. Së pari për tre pikët që i kanë dhuruar skuadrës shkodrane. Me to, tashmë kemi një Vllazni që nuk sheh më nga fundi i renditjes dhe me frikën e rrezikut të rrëshqitjes siç mund të ketë qenë deri para 2-3 javësh. Me këtë fitore, gjërat janë shumë më ndryshe tashmë. Nuk flitet më për rrezik rënie por për ngjitje më lart në renditje. Madje drejt vendeve të para të renditjes. Tabela dhe kalendari ua bëjnë të mundur këtë gjë. Flamurtari i vendit të katërt është vetëm 4 pikë larg tyre dhe me të, Vllaznia do luajë pas tre javësh në “Loro Boriçi”.