Tirana është afruar edhe më shumë me titullin kampion pas fitores në shifrat 1-2 ndaj Skënderbeut. Një triumf ky që tregon përfundimisht pjekurinë e bardhebluve që arrijnë edhe njëherë të përmbysin kundërshtarin.
Skënderbeu e nisi duke dominuar Tiranën ndërsa Mensah dërgoi topin në rrjetë me kokë. Kur pritej që bardheblutë të gabonin ishte Ngo që për 5 minuta nuk lejojë që të luhej serenata korçare. Me dopietën e realizuar e bën Tiranën që të mbajë diferencën prej 9 pikësh me Kukësin, për ta siguruar edhe më shumë skuadrën me suksesin.
Trajneri Daja pas ndeshjes eshte shprehur: “Ne sot ishim me çerekun e ekipit, luajtëm një 90 minutësh raskapitës me 6-7 mungesa. Kishim disa arnime dhe nuk mund të përballonim një ekip me kontigjent shumë më të mirë se ne dhe që kishte gjithë javën që përgatitej për ne.
Zërat për te Shkëndija? Nuk është mirë që të dalin gjëra të tilla tani, unë jam trajner i Skënderbeut dhe presim një përgjigje për vendimin në Europë. Më vonë le të shohim. Ne po përfaqësojmë një ekip që doni apo nuk doni, ka bërë historinë në 10 vitet e fundit, jo këtu, po në Europë. Nuk besoj se na kanë mbetur vetëm emri, jemi goxha mirë në kampionat”.
Nderkohe ne keto momente, ka nderhyre Nevil Dede duke i drejtuar nje pyetje trajnerit Daja: “Nuk kisha parë asnjëherë një ekip të Dajës si luajtët ju në pjesën e dytë, Çfare ndodhi?”.
Dhe pergjigja e teknikut te Skenderbeut ka qene e tille: “Imagjino pak Nevil kur të ndodh ty te Kombëtarja kjo gjë se atë kontigjent ke, çfarë mund të them unë”.
