Ekipi U-17 i Djelmnise Shkodrane ka fituar ndeshjen e djeshme ne Kamez ndaj Vores 2-1. Kjo ndeshje ishte e vlefshme per fazen play-out dhe me kete fitore, ky ekip ka arritur qendrimin ne Superioren e 17-vjeçareve.
Ky ishte edhe objektivi i ketij ekipi, meqenese merrte pjese per here te pare ne Superioren e 17-vjeçareve. Ne fakt, prania e Djelmnise Shkodrane U-17 ne Superiore ishte nje risi per ta ne konkurrimin e kesaj kategorie dhe qe u prit mjaft mire edhe nga opinioni sportiv shkodran.
Nder te tjera, pozitive ishte krijimi i disa ndeshjeve derbi shkodrane me Akademine Vllaznia U-17 dhe Akademine Shkodra U-17. Ballafaqime keto, te cilat edhe pse te dominuara kryesisht nga dy ekipet e tjera, per tifozerine shkodrane ishin mjaft interesante.
Per te kaluar tek ndeshja, fitorja e Djelmnise Shkodrane u vendos ne pjesen e pare, fale golave te Ledion Vitajt dhe Kakinit. Formacioni i Djelmnise Shkodrane me trajner Valdano Nimanin, ne kete ndeshje, te cilen u arrit ky sukses ishte ky: A. Vitaj, Kulla, Kakini, Lleshaj, Delaj, L. Vitaj, Brojaj, Zhuja, Doçaj, Hysaj dhe Plangaj, nderkohe qe jane aktivizuar edhe Çezma dhe Prendi.
Keshtu, per drejtuesit e Djelmnise Shkodrane, qendrimi ne kategori per kete sezon konsiderohet sukses, e argumentuar kjo tek te qenurit debutues, por sezonin tjeter synohet qe ky ekip te jete me objektiva me te larta.
Ne fakt, jo vetem Djelmnia Shkodrane, por çdo akademi ne Shkoder, jep kontributin e saj sadopak ne zhvillimin e futbollit te moshave ne qytetin tone te Shkodres.
Maringlen ZHIVANI
