Lokomotiva Zagreb mposhti 3-0 në shtëpi skuadrën e Slaven Belupo të martën dhe tani renditet në vend të katërt në kampionatin kroat, dy pikë larg Hajdukut të vendit të dytë. Myrto Uzuni zhbllokoi ndeshjen dhe ky ishte goli i shtatë në kampionat për beratasin e kombëtares.
Paraqitje fantastike bëri edhe Lirim Kastrati, edhe pse nuk ia doli të gjente golin. Të dy lojtarët ofensivë të skuadrës nga kryeqyteti u përzgjodhën pjesë e formacionit më të mirë të javës së 25-të në HNL.
Lirim Kastrati mori më shumë pikë se të tjerët dhe u shpall lojtari më i mirë i kësaj javë në elitën e futbollit kroat.
Sulmuesi dardan numëron 9 gola të shënuar këtë sezon për Lokomotivën, duke qenë golashënuesi më i mirë i skuadrës së tij në kampionat. /abcnews/
