Edinson Kavani është shumë pranë transferimit te skuadra e Valencias.
Sipas asaj që raporton “RMC Sport”, sulmuesi uruguajan ka arritur marrëveshjen me skuadrën që drejtohet nga Ivan Xhenaro Gatuzo.
35-vjeçari ndodhet pa klub pas përfundimit të bashkëpunimit me Mançester Junajtid dhe për klubin e La Liga-s do të jetë një transferim me peshë duke parë karakteristikat e vetë “El Matador”-it.
Përveç “Djajve të kuq”, uruguajani gjithashtu ka mbajtur veshur edhe fanellat e PSG-së, Napolit, Palermos dhe Danubios.
Në sezonin e kaluar me Mançester Junajtid në Premier Ligë, Edinson Kavani u aktivizua gjithsej në 15 ndeshje, ku arriti të shënonte 2 gola dhe të dhuronte gjithashtu edhe 1 asist.
