Kategoria Superiore do të rikthehet në mesjavë pas pauzës për shkak të angazhimit të ekipit Kombëtar, teksa ditën e sotme është zbuluar edhe axhenda e javës së tretë.
Siparin e kësaj jave do e ngrejë dueli mes Egnatias dhe Erzenit, e planifikuar për t’u zhvilluar ditën e mërkurë në orën 16:00, teksa po këtë të mërkurë në orën 19:00, do të zhvillohet dueli Dinamo-Kukësi. Për sa i përket stadiumit nuk është përcaktuar ende.
Të enjten në orën 15:00, Tirana do të masë forcën në kryeqytet me Skënderbeun kryesues, ndërkohë që java e tretë do të kulmojë me supersfidën Vllaznia- Partizani që do të startojë në orën 18:00. Kjo ndeshje ne fillim ishte vendosur te luhej diten e merkure, por me pas eshte vendosur te shtyhet me 24 ore. Nga ana tjeter, dueli Laçi-Teuta do të mbyllë siparin e kësaj jave. Kjo përballje do të luhet të premten në orën 16:00.
AXHENDA E PLOTË E JAVËS SË TRETË:
E MËRKURË 13 SHTATOR
EGNATIA-ERZENI ORA 16:00
DINAMO-KUKËSI ORA 19:00
E ENJTE 14 SHTATOR
TIRANA-SKËNDERBEU ORA 15:00
VLLAZNIA- PARTIZANI ORA 18:00
E PREMTE 15 SHTATOR
LAÇI-TEUTA ORA 16:00
