Diten e sotme nje futbollist 19 vjeçar me shume perspektive, i eshte bashkuar ekipit te Vllaznise. Behet fjale per sulmuesin e talentuar shkodran Albi Shpuza. Prej pak muajsh ai ka qene pjese e Partizanit, por nga dita e sotme ka shkeputur maredheniet me te duke qene futbollist i lire.
“Shkodra Sport” meson se si rrjedhoje, pas bisedes me drejtuesit e Vllaznise eshte rene dakord qe ai te vishet kuqeblu, teksa fillimisht do t’i bashkohet ekipit U21 duke u vene menjehere ne dispozicion te trajnerit Elvis Plori.
Shpuza ne vere iu bashkua Partizanit me premtimin e drejtuesve te tij se do te ishte edhe ne vemendjen e ekipit te pare, por kjo nuk ndodhi dhe pikerisht prej saj, sulmuesi shkodran nuk pranoi qe te qendronte me ekipin U21 te te kuqve duke kerkuar te largohej sepse pretendimet e tij ishin per me lart, duke qene edhe kontigjent i kombetares U19 te vendit tone.
Ne keto rrethana u rikthye te Vllaznia, skuader tek e cila ne veren qe shkoi presidenti Xhaferi i pat ofruar edhe kontrate por atehere nuk u realizua, ngaqe lojtari kishte firmosur edhe nje parakontrate ne Turqi me ekipin Antalyaspor. Ne kete rikthim ne Shkoder sigurisht qe Albi Shpuzes i del per detyre te binde drejtuesit kuqeblu per vlerat e tij me idene qe deri ne dhjetor, te ulen ne bisedime per firmosjen serish te nje kontrate.
Nje tjeter arsye e ardhjes se tij ne Shkoder eshte edhe shkolla ngaqe ai eshte student ne Fakultetin e Edukimit Fizik prane Universitetit “Luigj Gurakuqi”. Gjeja e pare qe duhet te beje sulmuesi i ri, eshte te binde trajneri Plori per aftesite e tij. Ky i fundit njihet per vlerat e tij dhe per faktin qe i pelqen te punoje me elemente te perspektives dhe prandaj kete gje do te tentoje edhe me Shpuzer, per ta bere gati per ekipin e pare te Vllaznise./SHKODRA-SPORT.COM/
