Deri para pak kohesh ka qene i perkushtuar per t’i dhene Shkodres tituj e trofe te shumte, por kohet e fundit duket se ka ndryshuar “strategji”. E kemi fjalen per trajnerin e mirenjohur te boksit, Zef Gjoni. Pavaresisht moshes se tij, ai duket shume i motivuar per te qene prane sportisteve te tij ne nje pervoje te re qe kane nisur, ate te boksit profesionist.
Per kete arsye, pas ndeshjeve te mbremshme ne “Qazim Dervishi” ku spikaten sukseset e Nelson Hyses, Arjon Kajoshit, Senad Drinit dhe Armando Grizhajt ne “Naten e Kampioneve”, trajneri Gjoni eshte shprehur:
“Kemi disa vite qe sidomos me Kajoshin e Hysen po ecim mire ne boksin profesionist. Ne kete aktivitetin qe organizuam ne Shkoder, Kajoshi kishte perballe nje kundershtar shume te forte, e po ashtu edhe Hysa sepse ndesheshin me boksiere qe ishim shume me lart ne renditjen boterore.
Pas fitoreve te tyre tashme presim qe dy boksieret tane te ngjiten ne renditje dhe duket se jane ne rrugen e duhur por veshtiresia ne boksin profesionist eshte shume e madhe sepse duhen sponsore, duhen para. Nuk vjen kush ketu per te bere boks nese nuk u jep leket, ashtu siç mund te shkojme ne muajin e ardhshem ne Amerike.
Mendoj se e ardhmja e boksiereve tane, Kajoshit e Hyses sidomos, por ne veçanti per Kajoshin nisur edhe nga mosha e tij, eshte taman per boks profesionist. Ai nuk e ka problem te ndeshet jo vetem me 6 raunde, por mund te beje edhe me 10 sepse eshte nje sportist shume i pergatitur, por e perseris, duan mbeshtetje”./SHKODRA-SPORT.COM/
