Tashme, Mirel Josa do te jete trajneri i ri i Vllaznise, pas shkarkimit te ish-trajnerit Elvis Plori. Ecuria e skuadres shkodrane nuk ka qene e mire nen drejtimin e Plorit, teksa ai mori vetem dy fitore ndaj Skenderbeut dhe Kukesit ne kampionat, ne 9 ndeshje te drejtuara prej tij.
Pas nderprerjes se marredhenieve me trajnerin Brdaric, ne kampin kuqeblu jane perhapur fjale te ndryshme edhe per trajnere te tjere per t’u afruar te kjo skuader dhe nje emer i tille ishte edhe i Skender Geges. Ishte Endi Tufa, gazetari i Top-Channel, qe e konfirmoi nje gje te tille.
Ne emisionin “Procesi Sportiv” ne Top Channel, Tufa u shpreh se Josa eshte afruar te ky ekip per finalen e Kupes se Shqiperise, teksa theksoi se ky do te jete shansi me real per Vllaznine per te luajtur ne Europe vitin e ardhshem.
“Josa ka zevendesuar menjehere Plorin dje. Me sa di une, me teper se per dy ndeshjet e fundit, Josa eshte marre per finalen e Kupes se Shqiperise, qe do te luaje skuadra e Vllaznise perballe Lacit dhe me sa duket, do te jete shansi me real per ta per te luajtur ne Europe vitin e ardhshem.
Eshte edhe nje shans hakmarrjeje, nese mund ta quajme keshtu i Joses ndaj Lacit, skuadra e cila e mori dhe e shkarkoi me pas, ne me pak se dy faza kampionati. Keshtu qe, besoj qe kjo ben sens, sepse edhe presidenti i Vllaznise, Alban Xhaferi, kohe me pare ka patur nje tentative per te marre ndoshta edhe Skender Gegen, perpara se te kalonte tek Plori.
Megjithate, eshte nje ceshtje per te ndryshuar disi imazhin dhe per t’i dhene ate efektin psikologjik, qe jep trajneri tek skuadra, sepse nga Brdaric tek Plori, besoj qe nuk eshte se pati dicka te re ne aspektin psikologjik, sepse ndryshimi nuk ishte thuajse fare. Keshtu qe tani, Vllaznia ka me teper shanse.
Kupa e Shqiperise eshte nje objektiv me i arritshem deri diku se sa vendi i katert, per te cilin jane bere shume skuadra dhe ndoshta eshte komplikuar situata”,-mbylli prononcimin e tij, gazetari i Top Channel, Endi Tufa.
Maringlen ZHIVANI
