Lajme te mira per basketbollin e meshkujve te Vllaznise. Kur u duk se gjithçka do te degradonte pas doreheqjes se presidentit Xhaferi, shoqeruar me largimin e trajnerit dhe te lojtareve te huaj, duket se vjen nje zgjidhje.
“Shkodra Sport” meson se kane qene dy emrat e njohur te basketbollit shkodran, Bledar Gjeçaj dhe Astrit Zaganjori, njekohesisht edhe anetar te shoqates, te cilet kane kerkuar ta marrin ne dore situaten.
Gjeja e pare ka qene kontakti me presidentin Xhaferi te cilit i kane kerkuar qe ta shtynte edhe per pak kohe doreheqjen, qofte edhe per arsye dokumentacioni te shoqates, deri ne gjetjen e nje presidenti te ri.
Megjithate mesohet se Xhaferi u ka premtuar se edhe pas gjetjes se presidentit te ri, do te vazhdoje ta mbeshtese ekipin. Por nderkohe, me situaten e krijuar “Shkodra Sport” meson se dyshja Gjeçaj- Zaganjori do te jene trajneret e rinj te tij, pune qe do ta bejne ne menyre vullnetare, por thjesht per ta ndihmuar ekipin ta kaloje kete momente te veshtire.
Sonte ne oren 20.00 ata do te drejtojne stervitjen e pare teksa jane lajmeruar te gjithe basketbollistet per te qene te pranishem, duke perfshire ketu jo vetem shkodranet, por edhe amerikanet te cilet ndodhen ende ne Shkoder.
Mesohet se stafi ka nder mend te zgjedhe 3 nga 7 basketbollistet amerikane per t’i mbajtur ne skuader, por nuk perjashtohet mundesia qe te negociohet edhe me 4 te tjeret per t’i ulur rrogat dhe per t’i mbajtur edhe ata deri ne fund te kampionatit.
Me situaten e krijuar, tashme objektivi do te jete se pari renditja ne katershen e ekipeve me te mira qe do te shkojne ne play-off dhe shmangien e rrezikut te renies nga kategoria. E rendesishme eshte qe u gjet nje zgjidhje e shpejte, per te mos e lene kete ekip te degradoje gjithnje e me poshte, e ketu natyrisht qe duhet falenderuar edhe presidenti Xhaferi qe do te vazhdoje te jete edhe per disa kohe prane tij./SHKODRA-SPORT.COM/
