Me paraqitjet që ka bërë deri më tani, konsiderohet një nga blerjet më të rëndësishme të këtij sezoni për Vllazninë. E kemi fjalën për futbollistin maqedonas Aleksandar Isaevski.
Ai vlerësohet shumë si nga tifozët e po ashtu edhe nga specialistët për të cilët është një nga mbrojtësit e majtë më të mirë që skuadra shkodrane ka patur gjithë këto vitet e fundit.
25 vjeçari nga Shkupi ka pranuar me kënaqësi ftesën e gazetarit Andi Gjurgjej që të intervistohej për “Shkodra Sport”, për të folur për mënyrën si është ambjentuar në Shkodër, për pritjen që i kanë bërë te Vllaznia, por edhe për objektivat e tij personal dhe të skuadrës në vijim të sezonit. Më poshtë, ndiqni intervistën e tij dhënë për gazetën tonë:
– Aleksandar, së pari të falënderoj që pranuat të intervistoheni për “Shkodra Sport”…
Faleminderit për mundësinë që më dhatë të flas përpara tifozëve të Vllaznisë.
– Keni 5 muaj në Shkodër. Si ju duket atmosfera në këtë qytet?
Ndihem mrekullueshëm. Jam i habitur se sa miqësorë janë njerëzit. Shokët e mi të skuadrës më kanë pritur mirë në dhomat e zhveshjes dhe më kanë bërë të ndihem sikur kam qenë pjesë e ekipit prej një kohe të gjatë. Të gjithë këtu të bëjnë të ndihesh i mirëpritur.
– A jeni ambjentuar në këtë qytet që njihet si djepi i futbollit?
Po, falë stafit, lojtarëve dhe të gjithë njerëzve rreth klubit, unë isha në gjendje të adoptohesha shumë shpejt në këtë qytet. Unë e di që futbolli është si një fe këtu dhe gjithmonë ka presion për të fituar ndeshje. Të gjithë po punojnë shumë për t’u rikthyer në mbajtjen e rezultateve të mira.
– Për momentin, si është forma juaj sportive?
Ndjehem mire. Kam punuar shumë në periudjën para nisjes së sezonit për të qenë i gatshëm për sfidat zyrtare. Fatmirësisht e kam pa dëmtime dhe shpresoj ta mbaj në këtë mënyrë formën time në mënyrë që të jem i vlefshëm për ekipin.
Kishte shumë ndeshje në një periudhë shumë të shkurtër kohore. Ishte shumë e vështirë të luash në një nivel të lartë çdo 3 ditë. Këto dy ditë pushimi ishin një mundësi e mirë për të qëndruar pak kohë pushim dhe për të rimbushur bateritë për të filluar fazën tjetër të kampionatit.
-Ju po luani rregullisht në formacionin e parë. A mendoni se e keni justifikuar besimin e trajnerit?
Ne të gjithë punojmë shumë fort për të hyrë në 11- shen e parë. Detyra jonë është të stërvitemi në maksimum dhe kushdo që trajneri zgjedh, duhet të luajë fort. Shpresoj ta kem justifikuar besimin e tij dhe shokët e mi të skuadrës. Unë vetëm shpresoj të vazhdoj të përmirësohem ndërsa sezoni vazhdon.
– -A keni frikë nga konkurrenca në ekip?
Besoj se konkurrenca është e shëndetshme. Sa më shumë cilësi ka në ekip, aq më shumë stërvitesh dhe ndeshjet bëhen më të lehta. Kjo është gjë e mirë në ekipin tonë që kemi shumë mundësi si për 11-shen e parë ashtu dhe në stol sepse vetëm kështu mbajmë një nivel të lartë.
– Shumë tifozë të kanë komplimentuar në rrjetet sociale për krosimet e bukura që ke dhënë në disa ndeshje. Cila është përsosmëria juaj?
Përsosmëria ime është të luaj me zemrën time në maksimum çdo lojë për ekipin, emrin e familjes time dhe qytetin. Çdo gjë tjetër në lojën time gjithmonë mund të përmirësohet.
– A synoni të jeni mbrojtësi më i mirë i majtë i kampionatit shqiptar?
Qëllimi im është të jem më mirë nga dita në ditë dhe nga ndeshja në ndeshje. Mendoj se sa më mirë të luajë skuadra, aq më mirë duket secili prej nesh. Unë do të doja së pari të kontribuoja në rezultatet e ekipit dhe pastaj për statistikat e mia.
– Deri më tani keni bërë paraqitje të mira me Vllaznia. A mund të bëni më mirë në të ardhmen?
Unë gjithmonë mund të bëj më mirë. Shumë gjëra mund të përmirësohen për ta çuar lojën time në një nivel edhe më të lartë. Duhet të ketë durim me të gjithë ekipin pasi po përpiqemi të ndërtojmë një themel të mirë për të vazhduar përmirësimin e ekipit dhe rezultateve.
– A ndiheni i përshtatur për këtë ekip?
Po. Ishte shumë e lehtë për t’u përshtatur me ekipin. Kemi njerëz të shkëlqyeshëm në dhomën e zhveshjes, me personalitete të lartë.
– Kjo është përvoja juaj e parë në Shqipëri, ku më parë keni luajtur në Maqedoninë e Veriut dhe Bullgari. Çfarë do të thotë për ju të jeni pjesë e Vllaznisë dhe a ndiheni i kënaqur që jeni pjesë e kësaj skuadre?
Të jesh pjesë e kësaj skuadre historike do të thotë të kesh performancën më të mirë në çdo ndeshje. Ne keni përgjegjësi për të mbrojtur emrin e klubit. Ndihem i kënaqur deri tani. Fatmirësisht deri tani kemi bërë mirë, por është një rrugë e gjatë deri në fund. Kështu që shpresoj të vazhdojmë në të njëjtin drejtim pozitiv.
– Vllaznia po udhëheq bindshëm kampionatin. Si e shihni Vllazninë e këtij sezoni?
Ne nuk mund të shikojmë shumë përpara. Ne do ta marrim atë çdo ndeshje në të njëjtën kohë dhe shpresojmë të arrijmë objektivat tona që kemi vendosur si ekip për sezonin.
-Tifozët kanë pritshmëri të mëdha për këtë ekip pasi pretendimet janë rritur. Çfarë u premton atyre si lojtar i Vllaznisë?
Unë mund t’u premtoj vetëm një luftë deri në minutën e fundit të çdo ndeshjeje deri në fund të sezonit nga çdo lojtar dhe pjestar i stafit.
-A mendoni se me këtë paraqitje të jashtëzakonshme do të mund të bëheni kampion në fund të sezonit?
Nuk mund të parashikoj aq shumë për të ardhmen. Le të shohim se ku do të përfundojmë në fund të sezonit.
– Dhe së fundmi, ju e filloni vitin 2021 me një super-përballje, atë ndaj Teutës. Cilat janë synimet e Isaevskit dhe a do të jetë në gjendje Vllaznia të dalë me një fitore me të cilën do të shkëputet me 9 pikë nga vendi i dytë. Opinioni juaj?
Ne kemi respekt për Teutën. Mendoj se ajo ka një ekip të fortë, të bashkuar për të luftuar për kampionatin dhe kupën. Por ne do të shkojmë në këtë ndeshje për të garuar dhe luftuar fort për 3 pikë, të cilat nënkuptojnë shumë për sezonin tonë. Në fund të ndeshjes shpresoj të dalim ne fitues.
– Faleminderit që pranuat të intervistoheni për “Shkodra Sport”. Të uroj gjitha të mirat dhe dëshiroj të dëgjohem përsëri…
Faleminderit gjithashtu për mundësinë e dhënë.
Intervistoi: Andi GJURGJEJ
