Kombetarja shqiptare do te grumbullohet javen e ardhshme per ndeshjen miqesore ndaj Arabise Saudite e cila do te zhvillohet me 26 tetor, nje miqesore qe do te sherbeje per te testuar edhe lojtare te rinj.
Nga sa eshte bere e ditur, trajneri Edi Reja per kete miqesore do t’u jape mundesine shume prej lojtareve te spikatur te kampionatit shqiptar e ne mes tyre padyshim qe do te jene edhe disa futbolliste te Vllaznise.
“Shkodra Sport” meson se per kete miqesore, nga FSHF ka ardhur ftese per tre prej lojtareve te Vllaznise e pikerisht per kapitenin Erdenis Gurishta, per mbrojtesin tjeter Esin Hakaj si dhe per mesfushorin me tipare sulmuese, Esat Mala. Por perpos tyre, mesohet se eshte edhe nje tjeter emer qe mund t’i bashkohet kombetares ne ditet e ardhshme.
Kjo sepse Herald Marku eshte ne liste pritje, qe do te thote se nese ndonje nga lojtaret e thirrur nuk mundet te vije apo ndonje tjeter do te demtohet, atehere mesfushori i Vllaznise do te zere vendin e tij.
Nje ftese e tille padyshim qe do t’i motivoje keto lojtare per te bere mire dhe per te spikatur me performancat e tyre ne menyre qe te bindin aq sa duhet per te qene pjese e kombetares edhe ne ndeshjet e ardhshme./SHKODRA-SPORT.COM/
