Vora bëri mrekullinë në edicionin e fundit të Abissnet Superiore. Pavarësisht rivalitetit të zjarrtë, ia doli të mbijetonte direkt dhe madje duke shmangur fazën “play out”.
Revolucioni ka filluar për sezonin e ri. Së fundmi Vora ka njoftuar largimin e menjëhershëm të gjashtë futbollistëve të tjerë.
Bëhet fjalë për Seferso Gecin, Luis Felipen, Fatmir Prengën, Vinicius Çezar, Okseold Sefën dhe Çibuike Prestigj. Kujtojmë se më parë janë larguar edhe Irgi Kasalla, Patrik Bardhi, Xhuljo Tabaku, Enis Fazlagiç dhe Manfredas Ruzgis.
Deri tani janë zyrtarisht 11 të larguar. Si trajner ndërkohë është konfirmuar Arjan Bellaj, i cili do udhëheqë sërish Vorën.
