Drejtori i gazetës prestigjoze italiane “Corriere Dello Sport”, është i sigurt se trajneri i ardhshëm i Juventusit do të jetë Mauricio Sarri.
Ivan Zazaroni është intervistuar nga “Tutti Convicati”, një emision radiofonik te “Radio 24” dhe ka folur për trajnerin e ri të “Zonjës”.
“Trajneri i Juventusit për mua do të jetë Maurisio Sarri me 90 %, të gjithë rrugët të çojnë tek ai. Unë isha me Alegrin dhe ai më tha se do të marrin Sarrin. Ai është një zgjidhje më praktike për një ekip, që do të ndryshojë pak. Inzagi është harruar pak, ndërsa Poçetino është i panjohur”, kanë qenë fjalët e Zazaronit.
Insultatemi pure, sparate le cazzate che volete, ma #Guardiola alla Juve è una puttanata senza senso.
— Ivan Zazzaroni (@zazzatweet) May 23, 2019
Më tej ai shton: “Kur mora vesh që Guardiola ishte në Milano, e telefonova dhe ai u shpreh se nuk ishte i gatshëm të largohet nga një ambient si Siti. Mediat sociale janë prodhuese të dezinformimit, unë kam siguri dhe i besoj Guardiolës. Ai më tha se disa fjali janë supozime. Unë nuk kam pse e mohojë, pasi bursa rritet”.
