Erzeni është padyshim klubi më aktiv në këtë merkato janarit. Shijakasit nuk kanë të ndalur teksa ditën e sotme kanë rikthyer edhe mbrojtësin e majtë Xhelil Asani.
Ai siç dihet e nisi sezonin te Vllaznia, por nuk arriti të spikaste, duke ndërprerë bashkëpunimim me shkodranët, teksa vendosi të rikthehet te Erzeni.
Me shijakasit 28-vjeçari u aktivizua sezonin e kaluar, duke u shndërruar në një titullar te skuadra e Deliallisit.
Mbrojtësi i majtë ka luajtur edhe për këto ekipe si Vëllazërimi, Bylis, Metalurg Skopje, Pembroke,Torpedo Zhodino, Shkëndija Tetove, Mash’al, Mladost Kakanj, SKA Khabarovsk, Pitssburgh, Rudar Prijedor.
