Gabriele Gravina flet për të ardhmen e Federatës Italiane të Futbollit, që vetë e drejton prej disa vitesh, por tashmë ka dhënë dorëheqjen: “Nuk do të mbështes askënd, nuk do të jem regjisori i së ardhmes”.
Për drejtimin e ri shton: “Një ish-futbollist në krye? Asnjë paragjykim, as ndaj një drejtuesi të madh. Me rëndësi është raporti ndryshe me politikën”. Ai kritikon edhe stereotipin e presidentëve: “Paguajmë ende paragjykimin e vjetër të presidentëve ‘të pasur dhe budallenj’, një gabim i madh dhe fyes”.
Më pas sulmon klubet e Serie A: “Zhvillimi i talentit italian nuk realizohet plotësisht sepse klubet, si kompani private, ndjekin interesat e tyre. Nuk e konsiderojnë të dobishme kohën dhe mundin për të rritur një të ri dhe bërë gati për kombëtaren”.
Një akuzë e drejtpërdrejtë për sistemin, që sipas tij pengon rritjen e talenteve vendase dhe ndikimin e tyre te kombëtarja axurre.
