Kukësi është mposhtur në shtëpi nga Egnatia në ndeshjen e vlefshme për javën e 20-të të Superiores. Sfida e zhvilluar në stadiumin “Kukës Arena” përfundoi me rezultatin 1-4 në favor të Egnatias.
Pas kësaj sfide për mikrofonat e MCN TV ka folur trajneri i Kukësit, Stavri Nica.
“Sigurisht që jam i mërzitur sepse po hymë në një krizë që faktikisht nuk e meritojmë, pasi riformatimi i skuadrës është shumë i vonuar. Është një skuadër e formatuar për 2-3 ditë. Lojtarë të ardhur direkt nga avioni dhe që futen në fushë. Meqë u kemi dhënë fjalën çunave duhet të vazhdojmë të punojmë.
Duhet të rikthejmë besimin, asgjë nuk ka mbaruar. Nuk kisha zgjidhje tjetër. Edhe unë duhe ta kisha krijuar njëfarë ekuilibri”, u shpreh Nica.
