Sulmuesi shqiptar me pashaportë zvicerane, Albian Ajeti është larguar të paktën për 1 sezon nga kampionët e Skocisë, Celtic.
Tashmë vëllai i Arlind Ajetit do të luajë në Superligën e Austrisë, tek skuadra e Sturm Graz.
Kontrata e talentit shqiptar do të jetë huazim 1 vjeçar me të drejtë blerje në fund të sezonit, nëse Ajeti përmbushë objektivat me Sturm Graz.
25 vjeçari do të mbajë numrin e 9-të me skuadrën austriake.
Kujtojmë që më parë ka luajtur për ekipe si Bazel, St Gallen, Augsburg dhe West Ham United në të cilat mori eksperiencën e duhur për të mbajtur numrin 9-të mbi shpinë.
