Në Aarhus të Danimarkës u zhvillua Kampionati Botëror i Krosit për moshën nën 20 vjeç. Në fund triumfoi atleti nga Etiopia, Milkesa Mengesha, i cili e përfundoi garën në kohën 23:25.
Gjithsesi vëmendjen e të gjithë botës e kanë marrë dy atletë të tjerë, po nga Etiopia. Dinkalem Ayele dhe Getnet Yetwale u kthyen në qendër të vëmendjes edhe pse nuk arritën të fitojnë asnjë medalje.
Shkak për këtë është bërë mosha e tyre, të dy janë datëlindje dhjetor e vitit 2000, që do të thotë se të dy janë 18-vjeçar sipas të dhënave të marra në Organizatë Ndërkombëtare të Federatës së Atletikës (IAAF).
Pamja e tyre fizike nuk korrespondon fare me moshën që ata kanë të regjistruar në IAAF dhe në rrjet të gjithë kanë shpërthyer duke e cilësuar si të pamundur që këta të jenë 18 vjeç.
Sa për statistikë, Ayela e përfundoi garën në vend të 11-të në kohën 24:36, ndërsa Tetwale dha kohën 25:53 që e renditi në vend të 21-të./telesport/
