Wolfsburg ka zgjedhur trajnerin e ri. Klubi i Bundesligës ka zyrtarizuar në pankinë Ralph Hasenhuttl, ish-teknikun e Southampton-it, i cili zëvendëson Niko Kovac, me këtë të fundit që u largua për shkak të rezultateve negative që kanë bërë që skuadra të zbresë në vendin e 14-të në kampionat.
Në njoftimin e bërë shkruhet se Hasenhüttl ka nënshkruar një ‘kontratë afatgjatë’ me Wolfsburg.
56-vjeçari austriak rikthehet të drejtojë një ekip në Bundesligë, pasi ka drejtuar më parë Leipzig. Sa i takon Kovac, ai lë skuadrën pas gati dy sezonesh në krye të Wolfsburgut, pas humbjes 3-1 në shtëpi kundër Augsburg të shtunën.
Ishte ndeshja e 11-të radhazi pa fitore, çka mbushi kupën, me drejtuesit që në fundjavë morën vendimin drastik.
