HomeFUTBOLLKATEGORIA SUPERIOREKlubi mbështet trajnerin Cungu. Sëbashku vazhdojmë përpara

Klubi mbështet trajnerin Cungu. Sëbashku vazhdojmë përpara

Mbështetje maksimale për trajnerin Armando Cungu dhe bashkë me të, do të çojmë përpara projektin që kemi nisur tek Vllaznia. Klubi shkodran i ka dhënë mbështetje trajnerit aktual, duke hedhur poshtë çdo aludim të mundshëm për ndonjë ndryshim në pankinën kuqeblu. Kjo i është komunikuar vetë trajnerit dhe skuadrës, në analizën e zhvilluar sot nga ana e administratorit Gjyrezi. Ky i fundit njëkohësisht ka hedhur poshtë edhe aludimet për gjoba, por nga ana tjetër i “ka vënë një kusht” skuadrës: Fitoren të dielën me Kukësin. Të gjitha këto janë bërë të ditura në faqen zyrtare të klubit ku shkruhet: “Humbja e hënës ndaj Laçit, ashtu siç ishte paralajmëruar, nuk mund të kalonte pa u analizuar në kampin shkodran. Siç ndodh zakonisht, para seancës së parë stërvitore të javës, zhvillohet analiza e zakonshme dhe kështu ka ndodhur edhe ditën e sotme. Përpara fillimit të seancës, në ambjentet e fushës “Reshit Rusi” është zhvilluar analiza e takimit të fundit. Në të, përveç futbollistëve dhe stafit teknik, kanë marrë pjesë edhe dy drejtuesit e lartë të klubit, administratori Gjyrezi dhe drejtori teknik Zeka. Nga bisedimet e bëra me futbollistët dhe trajnerët, është dalë në konkluzionin se humbja ndaj Laçit ka qenë e papritur edhe për ta. Pësimi në mënyrë të papritur i golit të parë, nuk ka sjellë reagimin e duhur të skuadrës dhe kjo u pasua edhe pas golit të dytë të kundërshtarit. Të gjithë pjestarët e Vllaznisë, e kanë pranuar se ka qenë një ndeshje e dobët, e cila nuk duhet përsëritur më. Ata kanë premtuar kthesën që në ndeshjen e rradhës me Teutën dhe në fakt, këtë gjë u kanë kërkuar edhe drejtuesit e klubit. Administratori Gjyrezi, ndryshe nga sa mund të përflitet, ka bërë të ditur se nuk do të ketë asnjë gjobë apo masë tjetër ndëshkimore për futbollistët, por thjesht u është vënë kusht fitorja me çdo kusht e ndeshjes me Teutën. Njëkohësisht, ai në emër të klubit, i ka dhënë mbështetjen maksimale trajnerit Cungu për të vazhduar punën dhe projektin e përbashkët që është nisur, për të ndërtuar atë Vllazni që dëshirojnë të gjithë shkodranët”.
© shkodrasport.com

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments