Carlo Ancelotti: “Z. President, a mendoni se duhet ta thërrasim në Kombëtare Neymar?”
Luiz Inácio Lula da Silva: “Shiko, Carlo, nëse është i përgatitur fizikisht, ai i ka cilësitë e një futbollisti të madh.”
Kjo është një bisedë tipike për një çështje që ka shqetësuar mbarë Brazilin në prag të finaleve të Kupa e Botës 2026, që nisin më 11 qershor në SHBA: përfshirja e Neymarit në listën e 22 futbollistëve të përzgjedhur, si dhe ambicia për të fituar titullin kampion pas 24 vitesh.
Deri në shpalljen e listës përfundimtare më 18 maj, trajneri italian Ancelotti ka ende kohë për të vendosur për Neymarin, i cili që nga maji i vitit 2023, kur u dëmtua në ndeshjen e Brazilit me Uruguajin, nuk ka luajtur me ekipin kombëtar.
Një dritë shprese për rikthimin e tij është hapur, pasi pas kësaj bisede me presidentin Lula, Ancelotti deklaroi:
“Neymar duhet të vazhdojë në këtë rrugë dhe të përmirësojë formën fizike. Ai është në rrugën e duhur.”
Kujtojmë se Brazili, në fazën e grupeve, do të përballet me Haitin, Marokun dhe Skocinë.
Tashmë mbetet për t’u parë më 18 maj se cili do të jetë efekti i kësaj bisede të rrallë mes një presidenti shteti dhe një trajneri të një kombëtareje futbolli.
