Interesimi ne Shkoder per ndeshjen finale te Kupes se Shqiperise Vllaznia- Laçit duket shume i madh. Tifozet kuqeblu kane nisur prej ditesh organizimin per kete takim, nderkohe qe per t’u ardhur ne ndihme te tyre ka ardhur edhe presidenti Alban Xhaferi.
Nga nja njoftim i saposhperndare nga klubi shkodran, mesohet se nuk ka nje numer autobuzesh te vene ne dispozicion, por kjo varet nga interesi qe do kene tifozet. Ja njoftimi i klubit Vllaznia:
NJOFTIM PËR SPORTDASHËSIT E VLLAZNISË
Presidenti i Klubit të Futbollit Vllaznia z.Alban Xhaferi, për t’i ardhur në ndihmë tifozëve shkodranë të cilët dëshirojnë të ndjekin finalen e Kupës së Republikës së Shqipërisë, Vllaznia – Laçi, të martën, ora 19.00, datë 31 Maj 2022, në stadiumin “Air Albania”- Tiranë, ka vendosur në dispozicion, autobuza falas.
Ju njoftojmë se nisja do të bëhet ditën e martë 31 Maj 2022, në orën 14.00, pranë sheshit të teatrit Migjeni, Shkodër. Të gjithë personat e interesuar për të prenotuar vendin e tyre duhet të kontaktojnë pranë lokalit Kuqeblu i ndodhur pranë Teatrit Migjeni, me personin e kontaktit, gazetarin sportiv z.Edmond Dibra ose të telefonojnë në numrin +355692583087.
#ForcaVllaznia
Një jetë dy ngjyra
