Prej dy ditesh, gazeta “Shkodra Sport” i ka kushtuar rendesi mosthirrjes se dy sulmuesve te Vllaznise Gerald Kubazi dhe Aris Ara ne kombetaren U17. Fillimisht ishte drejtori i Akademise Vllaznia Alban Neziri qe e ngriti zerin ne lidhje me kete çeshtje duke sulmuar ne njefare menyre trajnerin Bulku per menyren e sjelljes se tij.
Me pas ka qene ish- drejtori sportiv i KF Vllaznia Eugent Zeka qe ngriti disa pyetje rreth perzgjedhesit te kombetares, per menyren si eshte emeruar ne kete post dhe menyren si i zgjedh lojtaret. Kuptohet qe pyetjet e tij nuk do marrin asnjehere pergjigje.
Por nga ana tjeter, pikerisht diten e sotme ne redaksine e gazetes “Shkodra Sport” ka mberritur nje tjeter shqetesim i nje prindi, kuptohet i pakenaqur qe te birit nuk iu dha asnjehere mundesia per t’u provuar nga stafi i ekipeve kombetare.
Behet fjale per futbollistin Frenklin Kulla, i datelindjes 2007 qe deri para disa muajsh ka qene pjese e Akademise se Dinamos, ndersa tashme luan e Itali. Per momentin eshte pjese e ekipit Mestrino, ndersa ne qershor do te bashkohet me Akademine e Padovas sepse i ka kaluar me sukses provat tek ajo.
Kulla luan ne rolin e mbrojtesit dhe mesfushorit te krahut te majte dhe ka spikatur me paraqitjet e tij. “Me vjen mire qe ju ngrini kete problem sepse perzgjedhja e lojtareve per ekipet kombetare te moshave la shume per te deshiruar. Djalit tim por edhe shume te tjereve, perfshi ketu edhe ato te Vllaznise per te cilet keni shkruar, nuk u eshte dhene mundesia as te provohen dhe merren te tjere qe nuk e meritojne ate fanelle”- thote babai i Kulles./SHKODRA-SPORT.COM/
