Vllaznia nuk i ka bërë një nisje aspak të mirë kampionatit dhe kjo duket qartë tek numri i pikëve të grumbulluara dhe pozicionimi në renditje ku ndodhet në vendin e parafundit të tabelës së klasifikimit.
Dallimi me një sezon më parë është shumë i madh. Në të njëjtën periudhë të vitit të kaluar, Vllaznia pas javës së 10-të të kampionatit, mbante vendin e parë në renditje me 20 pikë të grumbulluara. Pra plot 11 pikë më shumë sesa aktualisht dhe kjo e tregon qartë ndryshimin madh me të njëjtën periudhë të sezonit të kaluar.
Për pretendime në këto momente duket se është diçka e pamundur megjithatë skuadrat janë aty- aty dhe mjaftojnë 2-3 fitore rradhazi për të ngjitur disa shkallë në renditje.
Burimi: Gazeta “Shkodra Sport”
