Kristiano Ronaldo, 35-vjeçar, vazhdon të ruajë formën fizike dhe shpeshherë e ka theksuar se kërkon të jetë aktiv në futboll deri në moshën 40-vjeçare. Mirëpo, portugezi vështirë se mund të qëndrojë deri në atë moment te bardhezinjtë, ndaj në media gjithnjë përflitet se CR7 ka ndërmend një tjetër aventurë.
Kësaj, teorie i ka mëshuar edhe patrioti i Ronaldos, Luis Nani. Ish-shoku i Ronaldos te Mançester Junajtid shprehet se sulmuesi në të kaluarën ka shprehur dëshirën për të luajtur në MLS amerikane.
“Para disa viteve, Ronaldo më ka thënë se me shumë mundësi do ta përfundoj karrierën e tij në Amerikë”, u shpreh Nani. Tashmë mbetet për t’u parë nëse Kristiano ka ndryshuar mendim, apo vazhdon të jetë i tërhequr për të përjetuar ëndrrën amerikane. /VipSport/
