Hysen Memolla nuk është në një mendje me Edlir Tetovën. Mbrojtësi i majtë është më i drejtpërdrejtë. Egnatia, sipas tij, kërkon titullin kampion.
Në intervistën pas ndeshjes, lojtari zbuloi se skuadra i ka të qarta synimet, por nuk zbuloi se cilët janë kundërshtarët e rrogozhinasve.
Fituat ndaj Vllaznisë një tjetër ndeshje. Tani kryesoni kampionatin?
Mendoj se ishte një ndeshje e rëndësishme. Besoj se u paraqitëm mirë. Kemi punuar gjatë javës dhe u shfaqëm mirë. Tri pikë të merituara dhe për paraqitjen e djemve të gjithë së bashku.
Jeni të parët dhe nuk mund të fshiheni. A është synimi i Egnatias titulli?
Ne kemi qëllim të fitojmë kampionatin. Jemi ekipi më cilësor në Superiore. Do të japim maksimumin çdo ndeshje. Motivimin tonë e thjeshton puna që bëjmë çdo ditë që të arrijmë qëllimin tonë. Ju keni luajtur me gjysmën e skuadrave në Superiore.
Cilët janë kundërshtaret e Egnatias në luftën për titullin kampion?
Dy-tri ekipe mendoj se janë të forta. Do të shohim rrugën tonë dhe do të japim maksimumin. Më pas do të shohim se cili do të përshtatet me rrugën tonë.
