Ditët e fundit në Durrës është zhvilluar një aktivitet shumë interesant për sportin e mundjes, pikërisht garat e mundjes në plazh që u zhvilluan për herë të parë dhe në të morën pjesë sportistët më të mirë të vendit.
Sportistët e ekipit të Vllaznisë kanë bërë një paraqitje shumë të mirë ku ka spikatur në veçanti mundësi Sidrit Bajrakurtaj i cili ka bërë një prezantim të mirë duke u renditur në vendin e tretë.
Një paraqitje të mirë kanë bërë edhe dy sportistët e tjerë, Maldin Camaj dhe Klevis Koçeku dhe si rrjedhojë trajneri Altin Anza ka mbetur i kënaqur në përgjithësi nga pjesmarrja në këtë aktivitet që u zhvillua për herë të parë në vendin tonë.
Burimi: Gazeta “Shkodra Sport”
