Nedim Bajrami është bërë protagonist ditën e sotme, teksa ka vulosur në 4-0 fitoren e thellë të skuadrës së tij Empoli kundër Kosenzës.
Mesfushori shqiptar shënoi në minutën e 64-ët të takimit golin e 4-t dhe të nokautit, ndërkohë që Empoli ka siguruar matematikisht ngjitjen në Serinë A.
Ishte vetë trajneri i Empolit, Alesio Dionisi, i cili ditën e djeshme u shpreh se Bajrami me cilësitë e tij është lojtar për futbollin elitar, dhe ditën e sotme ka ardhur shpërblimi nga mesfushori 25 vjeçar.
Viti tjetër do të jetë i nxehtë për mesfushorin kuqezi teksa pritet të luajë mes ekipeve dhe futbollistëve më elitare të Italisë.
