Vllaznia U21 sot u shpall kampione e Shqiperise dy jave para fundit te kampionatit. Nje sukses mese i merituar i futbollisteve te ketij ekipi dhe ne veçanti i stafit teknik me ne krye nje “ekspert” si Elvis Plori.
Ndonese kane kaluar nje sezon permes shume peripecish, ndonese mbeshtetja e stafit te ekipit te pare nuk ka qene ajo e duhura ne momente te caktuara, serish futbolliste e trajnere kane besuar ne vehte dhe sot kane gezuar.
Ky eshte treguesi se Shkodra vazhdon te jete “hambar” talentesh dhe pas trofeve te shumte qe ekipet e Akademise Vllaznia kane fituar ne vite, tashme vjene dhe suksesi i 21 vjeçareve.
Per futbollistet e ketij ekipi (shumica pa kontrate) ka qene fyerje qe ne stervitje me ekipin e pare herepashere ka patur futbolliste nga ekipi U19 dhe madje edhe U17, por ato “u harruan”. Dhe kjo i beri ata edhe me te forte, me te vendosur per ta çuar deri ne fund rrugetimin e tyre dhe per te gezuar sot.
Suksesi i Vllaznia U21 ne keto momente vlen me shume sesa deshtimi i “emrave te medhenj” te ekipit te pare te Vllaznise. I gjithe opinioni sportiv shkodran e me gjere e ka thene dhe sterthene se Vllaznia nuk ka nevoje te bleje lojtare per ne stol sepse fare mire kete gje mund ta benin keto 21 vjeçare.
Suksesi i Vllaznia U21 njekohesisht duhet te sherbeje edhe si nje terheqje vemendje per drejtuesit e klubit per t’i bere gjerat ndryshe ne periudhen e hapjes se merkatos. Per lojtaret, por edhe per trajnerin Plori…
