Sezonin e kaluar, Vllaznia u rikthye pas shume kohesh ne nje nder ekipet pretendente te elites se futbollit shqiptar, teksa ne kete sezon, investimet e drejtuesve te klubit krijuan pershtypjen se kuqeblute do te luftonin per titullin kampion.
Megjithate, pritshmerite e ekipit te Vllaznise nuk u permbushen ne fushe dhe shkodranet momentalisht renditen ne vendin e peste, me 52 pike, pas 35 javeve kampionat.
Gjithsesi, ne klub ka besim se situata do te ndryshoje, duke nisur qe me fitimin e Kupes se Shqiperise, teksa se fundmi edhe presidenti Alban Xhaferi, ka premtuar se skuadra do te rikthehet shume shpejt ne nivelet e larta.
Ai eshte duke i qendruar shume prane skuadres ne kete fund-sezoni, kuptohet duke patur edhe pritshmerite e reagimit te saj, per te arritur objektivat e saj, qofte ne kampionat dhe qofte edhe ne Kupen e Shqiperise, per ta sjelle ne Shkoder per te dytin vit rradhazi kete trofe.
Pikerisht nga realizimi i ketyre objektivave varet shume edhe Vllaznia e sezonit te ardhshem. Nese ajo do jete ne Kupat e Europes gjate veres, padyshim qe kemi per te pare nje skuader te forte, por ne rast te kundert…
Maringlen ZHIVANI
