Ndeshjet e play-off të Botërorit nuk po vijën në momentin më të mirë për Portugalinë e cila ditë pas dite po humbet lojtarë të rëndësishëm.
Sot e kishte radhën mbrojtësi Pepe që të jepte aforfe për sfidën ndaj Turqisë e ndoshta edhe finalen e mundshme nëse luzitanët kualifikohen më tej.
Ish-mbrojtësi I Real Madrid, një nga titullarët fiks të Portugalisë, ka rezultuar pozitiv ndaj COVID e kështu do të mungojë në grumbullim, duke detyruar trajnerin Fernando Santos që të grumbullojë Tiago Djalo të Lilës në vend të tij.
Kjo është mungesa e dytë e rëndësishme për Portugalinë për këto ndeshje, pasi pak ditë më parë u dëmtua Ruben Neves, duke shtyrë trajnerin të grumbullonte Vitinja.
Portugalia përballet fillimisht me Turqinë në play-off të Botërorit dhe nëse kualifikohet pas kësaj ndeshje, do të presë fituesen e çiftit Itali-Maqedoni e Veriut.
