Real Madrid ka vendosur të gjobisë Federiko Valverden dhe Aurelien Tçuamenin, pas sherrit të pazakontë në dhomën e zhveshjes. Gjoba është rekord, pasi bëhet fjalë për 500 mijë euro që duhet të paguajë secili prej tyre.
Deklarata e Real Madrid:
“Real Madrid njofton se pas ngjarjeve që çuan në hapjen e procedurave disiplinore dje kundër lojtarëve tanë Federiko Valverde dhe Aurelien Tçuameni, të dy u paraqitën sot para oficerit hetues.
Gjatë paraqitjes së tyre, lojtarët shprehën keqardhjen e tyre të sinqertë për atë që ndodhi dhe i kërkuan falje njëri-tjetrit.
Ata gjithashtu i shprehën faljet e tyre klubit, shokëve të ekipit, stafit të trajnerëve dhe tifozëve, dhe të dy ofruan bashkëpunim të plotë për Real Madridin, të gatshëm të pranojnë çdo sanksion që klubi e konsideron të përshtatshëm.
Në këto rrethana, Real Madrid ka vendosur për një gjobë prej 500 mijë eurosh për secilin lojtar, duke përfunduar kështu procedurat përkatëse”.
